US President Joe Biden nih Israel duh lo tuk mi a tuah than hoi cang. Kum 2021 ah Joe Biden nih president nawlngeinak a lak hnuah 3rd Obama Era a thawk cawlh tiah mi tampi nih an rak chim tawn mi kha a dik ning a vun lang thluamah cang. former president Obama nih voih tampi White House ah Joe Biden hmuh ding in a va kal
tawn tiin mit ah hmuh tu tampi nih an chim. Donald Trump nih kum 2019 ah Israel dirkam nak ding caah
Obama Eran, Iran Nuclear Deal a chuahtak mi kongah thawngpang dang a vun chuak than cang, Israel caah
thawngpang chia tak tak a si Trump president a rak si lio ah Israel a rak dirkam ruangah Iran a rak hrem mi hna cu President Joe Biden ni a dawngter cang hna lai. Trump Era Iran Sanctions, Joe Biden nih a dongter mi hna lakah, Overseas ah Iran mi hna nih, $29Billions bank accounts ah tangka an rak chia mi cu an duh duhin an hmang kho cang lai tinak a si.
Obama Era Nuclear Deal kir than ding in President Biden nih mi pathum 3 rian a khinh mi
hna cu an rian in an nih phuah ve. Washington official 1 min langter lo mi nih a chim ning ahcun,
Joint Comprehensive Plan of Action hi Biden administration nih pehzul tthan a tim zong ah, Iran nih heh tiah rian an rak tuan manh cang caah, Iran nih thil a kalpi mi hi a tlam atling dengmang cang caah Iran nih an ngawlh duh lai lo caah Joe Biden a tim mi hi a tlamtling lai lo tiin a chim. Cre-RTK
Kawlram thawngpang…Arakan( Rakhine) ramkulh, Maungdaw peng, Mietaih khua nichuahlei ah nihin
February 6 ah Arakan Army( AA) le Ralhrang karlak kahdohnak a chuak ṭhan, tiah theih a si.
Nihin February 6, chunhnu suimilam 3 in 4 kar ah voikhat, suimilam 4 hnu in zaan suimilam 6 tiang ah voikhat ti in voihnih bak kahdohnak a chuak i, an i kahnak zong hi hmunhnih ah a si, tiah min langhter duh lo mi tualchung mi pakhat nih a chim. Kahdohnak a chuah ahhin hrimngan thawng zong thang ngai in theih a si i cheukhat tualchung mi hna cu lam naihnak khua hna ah an zaam hna, tiah theih a si.
February 4 zong ahkhan hi hmun hrawng ahhin ralhrang le Arakan Army( AA) karlak suimilam pakhat chung
kahdohnak a rak chuak i kaphnih thi an rak um, AA in security ralkap pakhat a nunnak liam i ralhrang lei a thimi belte official in thanh a si lo caah hngalh a si lo.
==Yangon ramṭhen, North Oahkala peng, Shwepaukkan khua thar, North Dagon le Shwepyitha peng hna ah ti a chuahlonak nihnih a si cang i, Sang cheukhat ah cun nili hrawng ti a chuah ti lo caah mipi nih harnak tampi an tong lio, tiah theih a si. Ngaung Hna Pin ti peknak zungpi(Factory) ah mei a rawk i, ti dawpnak seh an on khawh lo ruangah a si i, seh hi an remh cuahmah lio a si, tiah theih a si.
“Cu hlan ah cun tilam a rawh i, a rat khawh lo ding ahcun zarhkhat hlan ah ti i khawn cia ding in thawng an kan thanh tawn.
Atutan cu thawng thanhcianak zong a um lo. Thilsuk rian a ṭuan mi kan si i ti a rat lo ahcun harnak tamtuk kan tong,” tiah Shwepaukkan khua thar um mi thilsuknak dawr tuahtu pakhat nih a chim. Yangon ti peknak cu Juuphyo Dam le Hlawka Dam hi hman bik mi an si i ralhrang nih uknak an laak hnu in ti lam rawh le mei mih caan a tam i, mipi nih harnak tamtuk an tong, tiah theih a si.Cre-TCP