Atam hrinhrang ko!! US hi cu uar lo awk tha lo

US nih vawleicung ah a hawikom a simi ram sin ah tangka a bawmh mi hna hi a tam tak tak, Natein ramdang a bawmhmi nak in atu Russia nih Ukraine a tuk hnuah Ukraine sin ah a bawmh mi hi a tam deuh cang, $20 Billion leng a bawmh than hoi lai. Kiev nih Washington sin in $3.8 billion military aid bawmhnak an hmuh cang, 2020 chung ah vawleicung ramdang, US hawikom sin ah US nih a bawmh mi nak in Ukraine sin ah a bawmh mi a tam deuh cang,

Senate nih approval an pek than hawi ahcun American weapons funding Israel nih kum 5 chung an hmuh

mi nak in Ukraine nih thlahnih le cheu chungah bawmhnak a hmuh mi a tam deuh lai tinak si cang. Cre-RTK

Kawlram thawngpang…Sagaing ramṭhen, Khin U peng Theintaw khua le Innpat khua cu SAC ralkap nih, a ruang um loin an khangh caah khua hnih fonh in inn 23 an ciam i, khua mi 2 zong mei in an khangh hna, tiah Khin U thawngzamhnak nih a langhter. May 15 zing sml 8:20 hrawng ah Ye U khua in a ra mi SAC ralkap 100 leng nih Shweyamin khua cu an khangh. A pawng kam um mi Theintaw khua zong zing sml 11:45 hrawng ah an khangh i, inn 17 an ciam ve.

Ral i khamhnak ca ah an tlaih mi khuami pakhat cu an thah i capawl lakah mei in an khangh.

A ruak cu mei nih a kangh tuk caah aho si an hngal lo, tiah theih a si. May 16 zing sml 10:00 hrawng ah

Innpat khua um ralzam mi hna umnak sianginn chung ah, hriamngan le hriamhme he SAC ralkap nih an kah caah PDF nih an kah ve hna i, SAC ralkap lei hliamtuar mi an tam caah mizapi umnak inn 6 an khangh i, capawl an chiah mi hna zong an khangh piak dih hna. Theintaw khua le Innpat khua cu SAC ralkap nih, hriamngan in an kah caah saṭil a thi mi an um. Inn le lo zong an rawk dih. Khin U peng ah SAC ralkap nih mizapi inn cu atu le

atu mei in an khangh piak hna. Ral i khamhnak ca ah khua mi zong an tlaih lengmang hna.

Inn ngei lo an tam caah a rannak in bawmh an herh ko, tiah Khin U thawngzamhnak nih a langhter.

=Magwe ramṭhen, Myaing peng Ywalay khua mi cu May 13 in 15 tiang ah SAC ralkap nih 60 hrawng an tlaih hna, tiah theih a si. Tlaih a tong mi hna hi May 13 in 16 tiang ah Wyashi Letyama, Phiahti le Taungkaing khua mi hna an si, tiah theih a si. May 13 le 14 ah Letyatma khua mi 23, Taungkaing khua mi 7, Phiahti khua mi 8 tlaih an tong i, May 15 ah Letyatma khua mi 10, Taungkaing khua mi 7 le Pitauhkan khua mi 6 an tlaih ṭhan hna.

An tlaih mi hna chung ah kumtling lo le nu zong an i tel, tiah tualchung mi nih an chim.

Tarpa pakhat nih, “Tlaih a tong mi hna cu an meithal, zen-kuan pawl le thil an fir mi an putter hna.

Kum tlinglo ngakchia pa zong bag nganpi an beiter. Pitauhkan khua tlaih a tong mi hna lakah kum 13 hrawng Htun Htun Win, kum 17 hrawng Kyaw Zin Aung, kum 38 hrawng Aung Kyi Shwe le kum 55 hrawng Htey Win le a fapa hna cu May 16 tiang ah an thlah rih hna lo,” tiah a chim. “SAC ralkap nih Letyatma khua telh in pawngkam khua 5 ah rallam an sial caah khua

mi cu an zaam dih, eidin le ngandamnak lei zohkhenh kan herh tuk,” tiah tualchung mi hna nih an chim.

=SAC ralkap nih remdaih tonbiaruah sawmnak a tuah mi ah UWSA/NDAA/SSPP/RCSS/NMSP /ALP/ PNLO/DKBA/KNU-PC hna an kai lai, tiah theih a si.

SAC ralkap nih Rakhine ram ah thazaang a chap tuk lawng siloin, zatlang ukhruainak le biaceihnak kongkau ah biatak tein a tawlrel cuahmah caah remdaih tonbiaruahnak ah kan kai lai lo, tiah ULA/AA in chimphuannak nawlngeitu Khine Tuh Kha nih a chim. “SAC ralkap nih a phunphun in Rakhine mizapi harnak pek a timh hna. Zeihmanh a tuah sernak a ṭha mi a um lo. Ruah lo piin a kan tuk kho. Cucaah zumh awk hrim a tlak lo,

kan tuahsernak hi kan lungput a si zungzal,” tiah Khine Tuh Kha nih a chim.

“Biatak tein remdaihnak a duh ko a si ahcun a tuahsernak in a langhter awk a si.

Kaphnih i zumhnak a ser a hau. Rakhine mizapi cung ah a tuahsernak vialte hi a ngolh hau. A ngol lo ahcun remdaihnak ti mi cu a hla tuk rih,” tiah a chimchap. “Rakhine mizapi cung ah a tuahsernak vialte hi a ngol ahcun kaphnih kar i zumhnak a um lai. Anmah le an umnak camp ah an um ahcun a poinak a um lo. Cu lawng si loin ramkhel buaibainak vialte hi ramkhel

biaruahnak in a phi kawl a duh taktak ko ahcun, Rakhine ramkulh chung ah a cawlcangnak hi a ngol a hau,” tiah a chim rih.

SAC ralkap nih Rakhine ram chung ah May thla thok in thazaang tamtuk a chap lawng siloin, khuate cheukhat ah an lut i bia an hal hna. ULA ṭuanvo ngeitu hna zong an kawl len hna. Mino pawl zong AA he pehtlaihnak nan ngei, tiah sual an puh hna i an tlaih hna. SAC ralkap le AA cu a luancia 2020 ram pumpi thimnak tuah hlan deuh ah kaphnih remhdaihnak in kahdohnak an rak ngol. Asinain, May thla thok in peng cheukhat ah SAC ralkap le AA karah kahdohnak a chuak, tiah theih a si. Cre-TCP