Hlutdaw palai MP Pi Siami duh lo ruangah 1.2.2020 lio ah Kalaymyo NLD member chungtel thar a rak lut mi hna minung 200 renglo hna nih Kalaymyo khuapi chungah an duh lo nak fak ngai in an langhter cuahmah.Hlutdaw palai MP Pi Siami cu kan duh hrimhrim lo tiah an duhlo nak a langhter tu hna NLD chungtel hna nih hin Kalaymyo khuapi chung um mi lawng si lo in Kalaymyo khua he a pehtlai mi khuate ah a um mi hna Kawl miphun NLD chungtel cheukhat hna zong an rak itel hna tiah theih a si.

NLD chungtel kawl miphun pawl hna nih cun hi tin an duhlo nak an chim,”Hlutdaw palai MP Pi Siami nih cun a miphun Chin miphun hna caah cun zei rian a si mi hmanh kha zenh lo in a t’uan i,a miphun a si mi Chin miphun hna caah cun zei thil paoh kha pek a timh hna pin ah a miphun kha ningcang lo in a t’anh hna i, Chin miphun t’hat nak le t’hancho nak ding lawng kha Hlutdaw ah a chim rel peng caah miphun thleidannak a ngei, kan duh hrimhrim lo”tiah an au.

Asinain Hlutdaw palai MP Pi Siami nih cun kei mah miphun a si mi hna “Chin miphun” ca lawngah rian ka t’uan lo.Kawlram miphun vialte hna caah ka thiam nak dih lak le ka fim nak dih lak hna cu fonh in rian a t’uanmi ka si.miphun thleidan nak in rian ka t’uanmi a um lo.Kawlram t’hanchonak ding caah thil a t’ha a si tiah ka ruah mi le ka hmuh mi kha ka t’uan mi a si ko.a mah duhlo ruangah a au mi hna mipi nih cun Letpanchaung khua nih uksuh (block) an hmuh khawh nak vialte hna zong khi Hlutdaw palai MP Pi Siam thil tuah mi a si tiah an ruah.

Cun,MMID 4 hlasak zuamnak a dih bak in runner up a si mi Salai Benjamin Sum cu Kalaymyo khuanu khuapa vialte hna nih sunglawi taktak in rak don a si lio ah khan (Hlutdaw palai MP Pi Siam) zong a tel ve i,mah lio ah khan NLD chungtel thar a si mi hna mipi cheukhat nih an rak huat i,ningcang lo bia tampi an rak chim bal cang mi cu Hlutdaw palai MP Pi Siam nih MMID 4 runner up Benjamin Sum conglomhnak ah a langsar cem mi a si tiah an rak chim bal cang . worldnewsforchin