Biden a mualpho bak ko. A policy a tha lo tuk caah buainak longte si cang

Civil Right Attorney Leo Terrel nih commander in Chief Joe Biden a thil tuah ning zeihman si lo ning vialte a chim dih cang ko. America president a biapi tuk ning fiangtein a lang chin lengmang ko Terrel hi Fox News “Hannity” Host hmaiah a lang i, Biden policy cu a hramthawk in a dawngtiang a sungh/tlamtling lo dih tiin a chim Joe Biden hi America ah politicians puitling tak kan ngei mi le a caan vialte politic ah a hmang dih mi a si.

Biden president a vun si bak in gas man a kai, southern border ah phunglam loin US ramchungah a lut mi an tam. Buaipi kho lo tiang an tam. America hmun kip ah crime rate a sang.

Foreign ram he rian tuannak ah America mi nakin kan ral a si mi a lawmter deuh hna Terrel nih Biden cu America mipi hna cu hmahnung bik ah a kan chia tiin,

Canadian-American pipeline project 10,000 union jobs a um kho ding mi a dawngter. Cun Biden nih Russia President Vladimir Putin nih Gas Pipeline supply energy Germany le Central Europe lei ah a kalding mi kongah Biden nih a cohlan caah President Biden cu fakpi in a soisel Biden nih rian a um ciami tampi a dawngter.

Afghanistan in US ralkap hna cu buainak um loin lak dih ding in a kam, natein Taliban pawl nih Afghan cu an kut ah 90% an chia cang.

Biden a riantuan mi lakah pakhat tal nih America caah thil tha a chua pimi a um lo. Cred-foxnews

Kawlram lei thawngpang..Ralhrangbu Khah-Lah-Yah 58 Tatyinhmu Le Bawi Cheukhat Biaceih An Si…Kachin ramkulh Waimaw ah hrambunh mi ralhrangbu khah-lah-yah 58 tatyinhmu le rian ngeitu cheukhat hna cu northern command headquarters ah biaceih an si tiah ralhrangbu he a naih mi hna sin in theih a si.

Kan hnu July 29 zan suimilam 10 hrawngah ralhrangbu tatyin 58 sakhan cu KIA brigade 5 battalion no. 3 ralkap cheukhat nih an luhhnawh ruangah

ralkap cheukhat an thih lengah an meithal zong a an lak piak hna tiah theih a si. Hi kong he pehtlaih in tatyin 58 tatyinhmu le rianngeitu

cheukhat hna cu Northern command headquarters ah an auh hna thazaang zong 100 leng an chap than tiah theih a si.

Hi bantuk hi ralhrangbu nih an tuah tawn mi a si i, a daithlang mi ralbawi le hruaitu hna cu ralkap biaceih zungah ralkap phung ningin an kong ceih tawn a si.

Nizan August 14 zinglei ah Myinkyina le Waimaw ah ralhrangbu nih meithal ngan le hmeithal hme he zun tampi an puah hnuah tatyin 58 hruaitu thar nih an sakhan pawng khuami hna cu khuachung i suimilam pakhat chungah chuah dih dingin ralrinnak a pek hna. Pawngkam um mi khuami hna cu an chungle khat sin le hmunhimnak lei ah an zaam dih cang tiah DVB nih a tial.