Biden a mualpho chin lengmang cang ko, Nikki Haley chim ning bantuk si cang

President Joe Biden tangah US a him lo ning le vawlei cung a him lo ning cu a fiang chin lengmang ko, Biden Afganistan withdrawl a si hnuah thlakhat hman a liam hlan ah, US nih kum 20 chungah thatein a zoh khen mi le tangka tampi hmangin a rak ser than mi Bagram Arfield cu China nih Taliban pawl he remnak a tuah pia cang hna i

Bagram Airfield cu China kut tangah a um cang lai tinak si cang. US caah cun vawlei zoh ngam ding hman si ti lai lo.

Afghan ram vanlawng ttumnak, Airfield hi China nih a uk ahcun China caah thawngtha vialte lak ah thawngtha sunglawi tuk mi a si lai.

Arung cu Afghanistan ram, Airfield hmang in fawitein US hawikam ram a si mi, India le a dang ram a tuk kho lai caah Nikki Haley nih Joe Biden sin ah ralrinnak bia a rak chim mi kha si. Natein Joe Biden president tangah cun zeihman ruahchannak ding a um ti lo.  U.S. News & World Report nih a langter ning ahcun Communist nih hin, Bagram base ah military personnel & economic development officials hna a chia lai.

Mah bantuk in China nih lam a kawl mi hi China policy ‘Belt and Road Initiative, ah a rian tuan hmasa biknak a si lai.

Yun Sun, director of the China Program, Stimson Center think tank nih a langter ning ahcun, China caah Bagram base hi a biapi tuk mi a si lai caah, China caah cun hmun hma tha tuk mi a si lai tiin a chim.

Bagram base hi Soviets nih Afghanistan an rak uk lio ah an ser mi a si. US nih kum 20 chung Afghan an rak uk lio ah an hmang tuk mi a si ve. Natein July ah US ralkap nih an chuahtak lio ah khan, General Mir Asadullah Kohistani Bagram base kum 20 a uk tu nih suimilam 2 hnuah America ralkap nih an chuah tak ti kha rak thei.

A hmun an va phan cu, US troops thil hna, motor le thil dang dang cu mipi nih an rak fir dih cang ti an hmuh

Former American Ambassador to the United Nations & South Carolina Gov. Nikki Haley nih China thil tuah a tim ning le China lungput kha rak hmuh dih ve cang.

China a tuah ding mi le a lungput vialte kha Fox News ah rak chim dih cang kha. Atu cu a chim ning bantuk in a si cang lai caah US caah China cu tih a nung chin lengmang cang lai tinak a si. Nikki Haley nih a rak chim cang mi cu” Afghanistan ram chungah China thil tuah ning hi thatein kan zoh peng din a si.

Kabul AirBase lak an nih tim lai i, Afghanistan ram in Pakistan, cun India an tuk lai. Kan hmaiah buainak fakpi a chuak lai.

A buai tlak tuk mi pakhat cu Kan president Joe Biden a thawng lo tuk mi hi a si. Biden nih hin, kan hawikom ram a si mi he rian tuan ti ding in lam a kawl chin lengmang a hau.

Kan hawikom ram a si mi hna hi hriamnam tha tha in kan bawmh a her. Cyber Crime,Terrorist lakah kan i ven khawhnak ding caah  kan hawikom ram a si mi Taiwan, Israel , Ukraine, India, Australia, Japan nih an kan herh bantuk in kan nih zong nih kan her ve hna.

Anti- terrorist kawl in rian kan tuan cawlh a si loahcun lone wolf attack kan tawn cawlh lai tiin a chim

Taliban spokesman Zabihullah Mujahid nih Italian newspaper La Repubblica interview  sin ah a chim ning ahcun” China hi Taliban pawl caah kan partner tha tuk mi, kan ram a kilven tu le a kan bawmhtu tha a si lai tiin a chim. Cre-RTK