US midterm i thimnak cu a nai chin lengmang cang, US midterm election cu Nihnih Ni, November 8, 2022 ah ngei a si lai, Republican pawl nih Senate le House ah teinak an hmuh khonak ding caah Former President Trump cu heh tiah a zuam lio a si. Atu dirhmun ahcun, Former President Trump nih Republican chungin a duh mi, a dirkam mi minung cu 85-3 nih teinak an hmuh. Natein predident Joe Biden cu a chuahsual tak tak cang ko, Democrat lei in amah nih a dirkam
hmasa bik mi cu a sung cawlh. Mah thawngpang hi tu lio social media ah alar ngai,
Social media ah heh tiah share an tuah i, President Joe Biden cu a zum mi an um ti lo,
a biachim mi le a tuah mi cu lei le van bantuk in a hlat caah aho hman President Joe Biden nih a dirkam mi cu an vote duh lai tiah social media ah heh tiah an lungput an langter. Primaries election, Oregon’s 5th District ah President Joe Biden nih a dirkam mi Schrader cu, Biden nih mi thawngtuk mi le a thawngzul zal mi a si tiin a voihkhat endorsement tuahnak ah a chim. Natein vote an vun thlak i, vote an rel tikah
Joe Biden nih a dirkam mi Schrader nih 39% vote a hmuh lio ah Joe Biden nih a dirkam lo mi
McLeod-Skinner nih 61% a hmuh tiin the latest tally by Decision Desk HQ nih a langter. Cre-Newsmax
Kawlram thawngpang….Magwe ramṭhen, Yesakyo peng nili chung kahdohnak ah SAC ralkap a tlawmbik 4 an thi i, meithal zun 3 kan laak, tiah MG6 Guerrilla Battalion 5 nih cathanh an chuah. Yesagyo peng Yelaycun hmunram ah rallam a sialmi SAC ralkap 100 hrawng cu, May 10 in 14 tiang MG6 Guerrilla phu le tualchung PDF nih an kah hna. MG6 nih sniper in an kah hna caah
SAC ralkap 3 an thi, hmaitonh in an i kah caah a thimi an tam, tiah theih a si.
SAC ralkap G3 meithal zun 1, 94 meithal zun 2, palik thilthuam tuah khat, equipment tuah
khat, 94 meithal kuan bawm 7, 9mm meithal kuan 5, G3 meithal kuan 23, kutcheh cheh bomb lung 1 le adang thilri hna an laak, tiah theih a si. Cu bantuk ṭhiam in Tanintharyi peng Tingwe khuakomh Banpih khua ah May 18 zing sml 5:00 hrawng ah kahdohnak a chuak i SAC ralkap 5 an thi, tiah theih a si.
==Karen ramkulh, Myawaddy peng thlanglei Thailand-Myanmar ramri kam ah a um mi SAC ralkap
Tebawbu camp cu, May 17 zaan in KNLA ṭangṭi phu hna nih an kah caah May 18 zanlei ah
an laak khawh. SAC ralkap a tlawm bik 10 an thi i a nung in 4 an tlaih hna. Hriamnam le zen-kuan zong KNLA nih an chuh hna, tiah theih a si. KNLA nih camp an laak lio ah SAC ralkap Jet Fighter 2, Helicopter 2 le CH 3 Drone 1 in voi 20 hrawng an kah hna. Camp laak khawh lo dingin an runven ko nain a thi mi an tam caah an camp cu an zamtaak.
Cu kahdohnak ah cun KNLA ṭangrual phu lei in 1 a thi ve. Kaphnih a thi mi cazin le
hriamnam an chuhmi hna cu KNLA nih thanhnak an tuah te lai, tiah theih a si.
KNLA, KNDO, PDF ṭangrual phu nih SAC ralkap camp an laakmi cu Myawaddy-Laykekaw-Phalu-Tebawbu–Walaymyang motor lampi kam ah a ummi a si. Tebawbu camp cu SAC ralkap nih 1990 kum lioah an rak laak. Kum 32 a rauh hnuah KNLA le ṭangrual phu hna nih an laak khawh ṭhan.
==Myintkyina Le Bamaw University Ah A Kaimi 1000 Leng An Si: SAC ralkap nih an hunmi
Kachin ramkulh, Myintkyina University ah a kaimi siangngakchia an um. A kaimi siangngakchia hi minung 500 hrawng an si,” tiah Myintkyina Student`s Union in ṭuanvo ngeitu pakhat nih a chim. Myintkyina University cu SAC ralkap kuttang rianṭuan University saya/sayamah hna nih, May 12 ah an hun. Bamaw University zong May 12 ah an hun i a kaimi siangngakchia hi 700 hrawng an si, tiah theih a si. Cre-TCP