Midterm election cu a nai chin lengmang cang ko, Tu tan midterm Election hi a biapi tak takmi a si, Aruang cu Republican lei nih teinak an hmuh ahcun Joe Biden President a sinak in thawl ding in tim tuahnak an ngei. Joe Biden impeach tuah ding in ready in kan um cang tiin an rak chim cang kha. Joe Biden President a vun si bak in US cu buainak khur bak ah a lut ti bantuk in a si. Trump lio ah a thimi nak in Joe Biden President a tuan chungah Covid ruangah a thimi an tam deuh cang i,
North Korea nih a duh duh in Missile test a tuah i, Russia nih Ukraine a tuk i,
Afghan ah US cu mualpho ngai in a um caah American mipi tampi, Joe Biden a vote tu zong an nih
ngaichih tuk cang. Mah lawng si lo in, Joe Biden President a vun kai bak in US ram chungah thil man a fak chin lengmang fawn tikah mipi zong an lungrei thai bak ve. American 80% nih tu lio US dirhmun “inflation/thil man a kai” ruangah Midterm election ah mah inflation hi an zoh bikmi cu a si lai caah mah ning tein vote an thlak lai tiah an lungput an langter tiin ABC News/Ipsos poll nih a langter.
Mah lawng si lo in, Tu hi Joe Biden presidential approval cu 28% lawng a si, a niam tak tak
tinak si. 71% nih Joe Biden a rian tuan ning cu tha lo an ti i (Disapproval an tuah), US ram
chungah thilman a kai minih Joe Biden le Democrat party cu a hrawh ngai hna tiah report nih a langter. Atu hi US ramchungah Gas man a kai chin lengmang fawn tikah, Democrat pawl nih House le Senate ah nawlngeinak an ngei than nak ding caah heh tiah an nih cawlh cang, Natein Gas man pawl a fak chin lengmang i, Joe Biden nih phising ning lam a thei fawn lo tikah tutan Midterm Election cu Democrat pawl caah ruachannak a tlawm ngai cang. Gas man a fak chin lengmang i, mah kongah Joe Biden nih zeitin dah a rian tuan ning kong he pehtlaih in,
American 27% nih a tha ko an ti lio ah 72% nih a thah lo, a rian tuan ning le Gas man a kai chin
lengmang mi kongah Joe Biden rian tuan ning cu kan lung a tling lo tiah an ti. Cre-Breitbart
kawlram thawngpang….Matupi Ah Ngakchia Pakhat Ihnak Cung Ah A Ruak In An Hmuh! Chin ramkulh Matupi, Sanbawng sang ah ummi kum 12 tluk ngakchia, tang 6 cawnglio mi pakhat cu June 5 zarhpi ni ah a nulepa nih pumhnak in an kir lei inn an phak ah, a ihnak cung ah puan i khuh buin a nunnak a rak liam cang cu an hmuh. Sanbawng sang ummi pakhat nih cun, “Ngakchiapa cu zinglei ah Sunday School zong a kai ko.
Chun ah a nulepa Biakinn an kal kar ah amah lawng inn a hngak i, a nulepa an ṭin tik ah cun puan
chung ah dat-si dur i put buin a nunnak a rak liam cang kha hmuh a si,” tiah a chim.
Nunnak a liammi ngakchia cu a hlan tein dat-si rim a duh ngaimi a si tiah an chim. Hi thihlohnak kong zong ah dat-si din ruangah a cangmi a si tiah fiang tein chim khawh a si lo nain, puan chung ah dat-si dur hmuh a si tikah, a rak din zong a si kho, tiah ruah a si. Cun, mino tete lakah dat-si rim hnimh a tam caah atu bantuk in nunnak liam tiang a cang kho tiin an chim fawn. Nunnak a liammi ngakchia pa cu June 6 ah ruak vuinak an tuah, tiah theih a si. Credit: TCP
==SAC nih nawlngeihnak an laak hnu February 2021 in March 2022 tiang ah minung 3165 cu thah
an si i, peng 86 ah inn 19,635 khangh an si cang, tiah Media Monitor Collective nih cathanh a chuah.
SAC ralkap nih ramkulh le ramṭhen chung um peng 86 in khua 400 leng ah cun meikhanghnak an tuah i, Sagaing ramṭhen ah inn 12,687, Magwe ramṭhen ah inn 4304, Chin ramkulh ah inn 1376, Kayah ramkulh ah inn 360, Shan ramkulh thlanglei ah inn 329, Kayin ramkulh ah inn 166, Shan ramkulh chaklei ah inn 137, Mandalay ramṭhen chung ah inn 118, Kachin ramkulh ah inn 58, Tanintaryi ramṭhen ah inn 37, Mon ramkulh ah inn 30, Bago ramṭhen nitlaklei ah
inn 26, Yangon ramṭhen ah inn 4, Bago nichuahlei ah inn 3 hna cu an ciam dih, tiah theih a si.
SAC ralkap nih khua an hrawh ruangah minung 1,21,0846 cu inn le lo kaltak in a himnak hmun ah an zaam. SAC ralkap nih khuate hna cu an duh poh in an kah tawn caah minung 1112 hliam an tuar tiah an langhter fawn. Khuate lei zong ah sualnak ngei lo minung 16,251 an tlaih hna i , minung 1353 cu ralkham ah an hman hna, tiah Media Monitor Collection nih cathanh a chuah ning in theih a si. Cre-TCP