House ah tlamtling tein an cohlan cang, Atu senate ah ceih than ding a si, Natein Zahan ah Senator Joe Manchin (D-WV) nih President Joe Biden nih a uapi ngai mi Build Back Better Act, $4.91 trillion cu senate ah ka vote lai lo, Mah bantuk vui hmuh chah hi ka vote nem mam lai lo tiin foxnews ah a chim
Senator Manchin, hi Virginia Moderate Democrat a si, Amah hi atu Joe Biden nih bill a chuahpi mi Build Back Better kongah
a biapi ngai mi a si, Amah nih a vote lo ahcun Joe Biden nih a tim mi $4.91 trillion hi sungh dawh a si.
Senate ah Democrat pawl hna hi Republican nak in minung pakhat in an tam deuh i, Atu an mah Democrat Senator Manchin nih ka vote lai lo ti fiang tein a chim cang i, Cun Senator Kystern Sinema (D-AZ) zong nih a vote an zum lo. Mah bills a tlamtling khawhnak ding caah Democrat lei in an mah minung a si mi Manchin le Kysten Sinema hi an her ngai hna
Senator Manchin nih Joe Biden billh a chuah pi mi Build Back Better ka vote lai lo ti a chim hnuah Joe Biden nih
mah bill kong hi a hnuah ceih than ding in delay a tuah. Mah bantuk in Sen. Manchin nih thawnthanghnak
a tuah hnuah Democrat nupawl nih tiah an soisel i, na ral chia, Pheteh na si tiin an soisel i, a tu hi House Speaker Nancy Pelisi zong a lungreithei ngai. Mah bills hi a tlamtling lo ahcun Democrat pawl caah mangchia tak tak si lai.Cred-Foxnews
Thawngpang dang…Vawleicung ngandamnak zohkhentu bu ngan bik WHO(World Health Organisation) nih
vawleicung ram 89 ah covid zawtnak phundang in a sersiam mi Omicron cu an hmuh cang kong an chim.
UN Health Agency nih cun covid zawtnak phunkhat Delta variant nakin Omicron cu i chawnh a fawi deuh caah kum 2022 ah cun vawleicung ram tam deuh nih Omicron kan i chawnh dih te lai kong an chim. WHO nih an langhter ning ah cun covid rai aa chun cang mi hna le covid zawtnak in a dam cang mi zong ah
zawtnak hi fawi tein i chawnh khawh thiamthiam a si kong an chim. Europe ram hna lak ah UK cu Omicron
a tuar bik mi ram an si i, nizan thawng kan hlat tiang ah minung 80,000 hrawng nih Omicron zawtnak hi an i chawnh cang,
tiah theih a si. Europe ram hna nih cun Omicron rai khamnak ah hin covid dose dang an i chun chap cuahmah hna. Hi lio ah Netherlands nih cun an ram ah covid a karh tuk caah ramri le vanlawng lam hna an khaar ve cang, tiah an Prime Minister Mark Rutte nih a chim. Mizapi tamnak hmun restaurent, bar,
cenima hall, museum le theatre hna cu January 14 tiang khaar rih ding in theihternak an chuah.
Hi lockdown ah hin mizapi herhmi zuarnak super market le sii dawr hna cu aa tel lai lo. Hawileng zong pali ngeih khawh a rak si nain, pahnih lawng ngeih khawh a si cang lai, nain hi phungphai belte hi cu chrismas ah kalpi a si lai lo, tiah theih a si.