US nih President tha an her ning a fiang chin lengmang ko hi. President Joe Biden cu tu zarh ah Poland & Brussels ah NATO leaders meeting ah a kal lai. Zelinsky adviser nih US President Joe Biden Kyiv tlawn ding in a sawm mi Biden lei in zeihman thawngpang thei ding mi a um lo. White House Jean Paski nih a chim ning ahcun “President Biden hi Brussels le hmun dang dang ah a kal hrim lai,
Natein i tim ngai in programmes dangah tel a tim lo” tiin press briefing ah a chim.
A chim duhnak cu Ukraine nih Kyiv tlawn ding in a sawm mi ah a kal lai lo tiah a chim duhnak a si.
Mi tampi nih Joe Biden cu ceilak in an thuat i, na ralchia tuk, vawleicung ram super power a si mi ram nih zeidah Kyiv ah cun na kal lo, zeidah na tih, Putin maw na ti tiin heh tiah comment ah Joe Biden an thuat ve. New Zealand nih Ukraine bawmhnak ding caah NZ$5 million ($3.46 million) funds & non-lethal military weapons an pek chap lai.
Ukrainian city of Sumy chemical plant ah amonia a leak ti thawngpang a um, City’s mayor Dmytro
Zhyvytskyiy nih cun 2.5km radius hlat a phan cang tiin a chim. CCTV nih Zarhpi zan ah
Podilskyi district of Kyiv shopping centres ah bomb a puak mi video an langter, a thi mi le hma a hmuh mi an tam ngai tiah an langter. China nih Russia cu hriamnam tampi hmangin an bawm tiah report nih a langter mi cu, Chinese ambassador to the United States Qin Gang a hman lo a si tiin heh tiah a chim ve.
Thawngpang dang==Kharkhumh A Tongtu Maripul Khuapi Ah A Ummi Ukraine Ralkap Hna Cu
Hriamnam Chiah Dingin Russia Nih A Ti Hna Nain Ukraine Nih An Duh Lo! Russia ralkap i
kharkhumh a tongtu Maripul khuapi ah a ummi Ukraine ralkap hna nih hriamnam nan chiah ahcun khuapi chungum mipi hna cu him tein kan thlah hna lai tiah Russia nih ralrinnak a pek hna nain Ukraine nih an duh lo. Russia nih a lem hna ning ahcun khuapi chungah a ummi hriamtlai hna nih an hriamnam an chiah ahcun mipi sawhsawh hna cu him tein kan kalter hna lai tiah an ti.
Asinain Ukraine nih cun hriamnam chiahnak ding sullam a um lo tiah an leh. Cuka khuapi ah a ummi
minung sing (3) hrawng cu kharkhumh an si caah eidin tirawl harsatnak an tong i, bawmhchannak
zong pek khawh an si lo. Russia ralkap nih bomb thlak hnawh in kahdoh a tongtu cuka khuapi chungah a ummi Ukraine rammi hna cu mei siseh dinti siseh harsatnak an tong. Russia nih a lem hna ning ahcun Russia caan tuak zinglei sml 10:00 ah Maripul khuapi ah a ummi Ukraine ralkap le hriamtlai dangdang hna nih hriamnam chiah hratin zatlang kalnak lampi in khuapi chuahtak ding a si nain, Maripul khuapi cu fek tein,
pehzulh in kan ven lai tiah Ukraine ramchung runvennak deputy minister nih a chim. Crd: Voice of Myanmar
==Kawlram Ralkap Nih Miphun Cihmih Thahnawnnak Lai A Nawng Tiah American Nih A Thanh Cang Lai! Kum 2017 ah khan Kawlram ralkap nih Ruhingja miphun cungah a tuahmi sualnak cu miphun cihmih thahnawnnak a si tiah nihin ah a thanh cang lai tiah theih a si. March 21 ah Washington D.C ah a ummi miphun cihmih thahnawnnak hmanthlak an chiahnak hmunah nihin ah an tuah dingmi thil sining
fianternak ah American ramdang vuanci nih a thanh lai tiah Ractor thawngzamhnak nih a langhter.
Miphun cihmih thahnawnnak sualnak a tuah tiin thanhnak an tuah dingmi nih hin Kawlram ralkap
nih pehzulh in an tuah nakhnga lo bawmtu a si lai tiah American ramdang pehtlaihnak zung i tuanvo ngeitu pakhat nih a chim. Ruhingja kongah biatak tein a cawlcanghtu Jeff Markley zong nih President Biden cozah nih a tuahmi hi kan cohlang tiah cathanh an chuah colh. Britain hrambunh Kawlram-Ruhingja phu chiarman U Htun Khin zong nih American cozah nih a tuahmi hi kan cohlang tiah a chim ve. Crd: Deltanewsagency