Vawleicung thawngpang kan thei mi hna hi tih nung chin lengmang ko, Russia nih Ukraine a tuk ruangah vawleicung hruaitu pawl an thinhun chin lengmang i, an bia chim mi zong tih nung chin lengmang cang ko. US President Biden nih tu lio buainak kongah tih nung tuk mi a vun chim ve cang. Russia le NATO an i tuk sual ahcun World WarIII a chuak lai tiin a chim ve cang, Mah ralpi voihthumnak a chuak kho ding
mi hi a chuak lo nak ding caah lam kan kawl a hau. Russia le NATO an i tuk sual ahcun, kan ralpi
voihthumnak cu a chuak cawlh ko lai tiin a chim. Cun, G-7 ram pawl nih Russia “most favourt nations for trade” in
kan hlot lai tiin a chim chap. Washington nih Russia Vodka, Seafood, Diamonds hna cu US ram chungah kan lak ti lai lo. America nih nifatin Ukraine ram sin ah, anti-tank & anti-aircraft weapons kan pek peng. Biden nih a chim than mi ah, ” Russia nih Chemical Weapons Ukraine ah a hmang ahcun laksawng ngan tuk mi Russia kan pek lai tiin a chim (Russia cu ceilak in kan thuat lai tiah a chim duhnak a si). America ralkap pawl nih
Ukarine ah Russia ralkap an tuk lai lo, Russia in export ah $1 billion a sung lai tiin a chim. Cre-RTK
Thawngpang dang…Yinmapin Kahdohnak ah Kum 19 Mi Mizapi Ralkap A Nunnak A Liam! Sagaing
ramṭhen, inmapin peng kahdohnak ah kum 19 mi Lin Khanh Kyaw cu hriamngan nih a khen sual caah a nunnak a liam, tiah tualchung hriamtlai phu sin in theih a si. Hmuaihnung khua phungki sianginn, tualchung mipi vengtu ralkap umnak Nattaungh khua lei in SAC ralkap kah mi hriamngan kuan nih Lin Khanh Kyaw cu a khen i March 11 zinglei ah a nunnak a liam,
tiah theih a si. Yinmapin kahdohnak ah SAC ralkap hna ralṭha tuk in a dohnak ah a nunnak a liam mi,
kan ṭanṭi hawi Lin Khanh Kyaw hi upatnak kan pek, tiah People’s Defense Force- South Monywa nih an thanh.
=Sagaing ramṭhen, Tanhse peng, Seinsa khua ah nihin March 12 chun ah khuachung mipi umnak inn cu SAC ralkap nih an khanghpiak hna. Cupinah an duhnak hmun poh meithal in an kah caah tar nu pakhat le kum 10 hrawng ngakchia pakhat an nunnak a liam, tiah khua mi nih an chim. SAC ralkap nih an duhnak hmun poh an kah caah kum 10 tluk nu pakhat cu a ṭang le a phei ah
kuan hliamhma a tuar i a nunnak a liam. Cun, khuachung mipi umnak inn 5 hrawng cu khangh an si i
cu innkaang ah cun kum 70 hrawng tar nu pakhat a nunnak a liam, tiah TSO Tanhse nih cathanh an chuah.
Motor lampi ah a um mi Seinsa khua ah kahdohnak a chuah caah SAC ralkap nih khuachung inn hna cu an khangh. Tanhsee YeOo lampi cu mipi nih umkalnak ah hmang rih lo ding in TSO Tanhse nih cathanh an chuah.Tanhse-Yeoo Lampi Ah Mizapi Ralkap Nih SAC Ralkap Motor An Kah Hna: Sagaing ramṭhen, Tanhse le YeOo kar ah SAC ralkap khalh mi motor cu nihin
March 12, zinglei suimilam 11:30 hrawng ah Seinkha pawng in mizapi vengtu ralkap nih an bawh hna i
an kah hna caah SAC ralkap 3 an thi, SAC ralkap pakhat cu a nung in an tlaih, tiah mizapi vengtu ralkap phufonh sin in theih a si. Auto meithal 5 le hriamthil cheukhat cu kan lak khawh i, a nung in tlaih mi SAC ralkap pakhat cu zeibantuk reng a si fiang in theih a si rih lo, tiah mizapi vengtu ralkap phufonh in ṭuanvongeitu pakhat nih Mayelatt Athan ah a chim. Dohthlennak ah ral a tu mi mizapi
vengtu ralkap hna caah hriamthil chambaunak a tam caah mipi bawmhchanh an herhnak kong le, mizapi
nih mah le tuah khawh tawk cio in bawmchan cio ding in an cathanh ah an langhter. SAC ralkap le mizapi vengtu ralkap kahdohnak ah Tanhse Phoenix Defense Force, Tanhse battalion 2, tat-mah 7, tat-khuai 3 le Duwan(ဓူဝံ) chaklei mizapi vengtu ralkap phufonh hna nih an doh hna, tiah theih a si. Cre-TCP