US Congress & Senate nih a rak cohlan cang bantuk in, US President Joe Biden nih World War II Land-Lease bantuk “Ukraine Democracy Defence Lend-Lease Act of 2022 ” cu President Joe Biden nih min thutnak a tuah cang. Mawh bantuk in President Joe Biden nih min thutnak a tuah cang caah, President nih hriamnam a herh mi poah, Nuclear Weapons ti lo in, Ukraine & Eastern Europe ah
a herh ning tein amah duh ning tein a kuat kho cang hna lai. Cred-RTK
Laitlang le kawlram thawngpang….Mindat- Matupi kar mengtung 25 nak ah zinglei
suimilam 11,00am in zaanlei suimilam 1:00pm tiang kahdohnak a chuak, hmundang ah Bomb voihnih kan puahhnawh than hna i ralhrang 30 leng an thi, hliamtuar zong an tam, tiah an cathanh chung ah cun an langhter. Ralhrang he kahdohnak hi zarhkhat leng a rau cang, cucaah CDF-Mindat kan ralkap ral hmaikal mi caah bawmhnak an herh ko, tiah an cathanh ah an langhter.
=Thailand ramri ah Kawlrammi 156 tlaih an tong. Myanmar mi minung 156 cu Thailand ramri ah
phungning lo in luh an i timh ruang ah an tlaih hna. Thai ralkap nih an tlaih mi hna hi
nu 73 le pa 83 an si. Thai tangka in 25,000-29,000 baht (1,500,000 MMK fai) tluk an kalnak dingah an pek tiah theih a si. Nili chung an ke in an kal hnu ah, a tlangtlatu (puaisa) nih an kaltak hna tiah Khaosod nih a tial. Minmu(myinmu) Ah Ralhrang nih Black Eagle ralkap 8 an nung in an tlaih hna i an thah hna hnu ah an ruak mei in an khangh hna, nunnak liammi lakah Sagaing Sianghleirun i biachimnak
nawlngeitu zong a tel Sagaing ramthen, Minmu peng Peku khua pawng ah
Black Eagle Defence Force- MMU sakhaan pakhat cu ralhrang nih May 8 ah an luhhnawh i
mipi ralkap 8 an nun in an tlaih hna, cuchung ah Sagaing sianghleirun in biachimnak nawlngeitu Ko Wine Yian Phyo zong a tel tiah Minmu thawngdik thanhnak in theih a si. An tlaihmi hna hi an kut hnu ah an leh hna i hrim in an tem hna i an thah hna hnu ah an ruak cu ralhrang nih mei in an khangh hna.
=Ralhrang Caah Thlahlawh An Chuahmi Sing 600 Cu Ralhrang Bawi 2 Nih
An I Zaam Pi. Shan ramkulh thlanglei Namkhan peng Mantat khua ah umhmun
khuarmi ralhrang Battalion 144 i an lubik Du Bohmukyi Yia Za Min le battalion bo 2 simi Aung San Oo nih an battalion ca thlahlawh an chuahmi tangka an i zaam pi tiah theih a si. ” an pahnih in CDM tuah mi zong an si lo, an battalion ca thlahlawh chuahmi tangka he an zaam, khuikaa ah an i dor theih a si lo.” an chuahmi tangka hi sing 600 hrawng a si.
Mipi tlaihkhih le thahnawn nak tuah mi SAC ralkap chung ah rank sang le niam
thleidannak a duh lo mi hna cu an zaam lengmang i cheukhat cu CDM tuah in SAC doh nak ah an i tel ve hna. A luancia April 4 zongah Shan thlanglei Nansan peng Nankhe khua ah hmunkhuar mi ralhrang battalion 252 in minung 4 zong an zaam i a himnak hmun ah an um tiah theih a si. Cre-CN