Ukraine’s president, Volodymyr Zelenskiy nih a chim ning ahcun, Russia he an i cuh liomi Donbas kilven nak ding caah an herh ngai mi 2 Sievierodonetsk & Lysychansk khua cu “Kkhualipi thi an si cang ko ee” tiin a chim. Eastern city of Sievierodonetsk lei ah Russia nih ralkap tha tha le hriamnam tha tha an vun chuahpi cang caah le Ukraine ralkap pawl an tei ngai hna caa mah bantuk hi a chimmi a si, Ukraine ralkap
hna sin ah biacanak a chim chi i, heh tiah i zuam u law, kan ram hi kilven ding in lundong
lo in Russia ralkap hna hi kham hna u sih tiin bia a cah hna, Kyiv ah Zelinskynih cun,
Ukraine ralkap Sievierodonetsk kilven ding in a cawl cang mi hna cu teirial tein ram le miphun caah rian an tuan, Natein eastern frontlines ah an dirhmun a tha lo ngai, Russia lei nih heh tiah thazang an vun chuah chin lengamng i, 10,000 -15,000 civilians an um, Sievierodonetsk hi Ukranian defenders pawl nih an kilve khawh lo ahcun, Donbas lei ah Ukraine ralkap pawl dirhmun cu a chia ngai lai. Moscow’s forces an thawng ngai i, an powerful ngai. Cre-RTK
Kawlram thawngpang… SAC nih nawlngeihnak an laak hnu February 2021 in March 2022 tiang
ah minung 3165 cu thah an si i, peng 86 ah inn 19,635 khangh an si cang, tiah Media Monitor Collective
nih cathanh a chuah. SAC ralkap nih ramkulh le ramṭhen chung um peng 86 in khua 400 leng ah cun meikhanghnak an tuah i, Sagaing ramṭhen ah inn 12,687, Magwe ramṭhen ah inn 4304, Chin ramkulh ah inn 1376, Kayah ramkulh ah inn 360, Shan ramkulh thlanglei ah inn 329, Kayin ramkulh ah inn 166, Shan ramkulh chaklei ah inn 137, Mandalay ramṭhen chung ah inn 118, Kachin ramkulh ah inn 58,
Tanintaryi ramṭhen ah inn 37, Mon ramkulh ah inn 30, Bago ramṭhen nitlaklei ah inn 26,
Yangon ramṭhen ah inn 4, Bago nichuahlei ah inn 3 hna cu an ciam dih, tiah theih a si.
SAC ralkap nih khua an hrawh ruangah minung 1,21,0846 cu inn le lo kaltak in a himnak hmun ah an zaam. SAC ralkap nih khuate hna cu an duh poh in an kah tawn caah minung 1112 hliam an tuar tiah an langhter fawn. Khuate lei zong ah sualnak ngei lo minung 16,251 an tlaih hna i , minung 1353 cu ralkham ah an hman hna, tiah Media Monitor Collection nih cathanh a chuah ning in theih a si.
==Matupi Ah Ngakchia Pakhat Ihnak Cung Ah A Ruak In An Hmuh! Chin ramkulh
Matupi, Sanbawng sang ah ummi kum 12 tluk ngakchia, tang 6 cawnglio mi pakhat cu
June 5 zarhpi ni ah a nulepa nih pumhnak in an kir lei inn an phak ah, a ihnak cung ah puan i khuh buin a nunnak a rak liam cang cu an hmuh. Sanbawng sang ummi pakhat nih cun, “Ngakchiapa cu zinglei ah Sunday School zong a kai ko. Chun ah a nulepa Biakinn an kal kar ah amah lawng inn a hngak i, a nulepa an ṭin tik ah cun puan chung ah dat-si dur i put buin a nunnak a rak liam cang kha hmuh a si,” tiah a chim.
Nunnak a liammi ngakchia cu a hlan tein dat-si rim a duh ngaimi a si tiah an chim.
Hi thihlohnak kong zong ah dat-si din ruangah a cangmi a si tiah fiang tein chim khawh a si lo nain, puan chung ah dat-si dur hmuh a si tikah, a rak din zong a si kho, tiah ruah a si. Cun, mino tete lakah dat-si rim hnimh a tam caah atu bantuk in nunnak liam tiang a cang kho tiin an chim fawn. Nunnak a liammi ngakchia pa cu June 6 ah ruak vuinak an tuah, tiah theih a si. Credit: TCP