Vawleicung ngai hi aw, kan duh ning le kan hmuh ning a khat lo ning hi aw, tu lio thawngpang lakah a linsa ngai mi pakhat a si ve mi, Sweden le Finland nih NATO alliance si ding in heh tiah lam an kawl cuamah lio ah Russia nih NATO he pehtlaihnak nan tuah ahcun ceilak in thuat nan si lai tiah a rak tlerh lengmang hna, Natein Sweeden le Finland nih cun
NATO he pehtlaihnak ngei ding in heh tiah lam an kawl thiam ko. Atu cu Sweden le Finland caah
thawngpang chia ngai mi a vun chuak than, Ramdang nih NATO he petlaihnak ngei an duh i,
NATO Alliance si an duh ahcun NATO ram member vialte hnatlakpinak a hau, NATO ram pakhat a simi zong nih a cohlan lo ahcun NATO member si a har ngai. Turkish president Recep Tayyip Erdoğan nih Ninga Ni/Friday prayer a ngei hlan ah Journalists interview a ngei hmasa. A chim mi cu, Turkey ram nih cun, Finland le Sweden nih NATO Alliance si an nih tim mi hi kan cohlan lai lo, Turkey nih kan dirkam hna lai lo tiah a chim.
Zeihman palh kan duh lo caah a si, Scandinavian countries ah hin terrorist (Kurdistan Workers party (PKK) Turkey nih
terrorist organisation a timi hna) nih parliament ah seat an ngei”. Sweden ah hin Kurdish diaspora
an tam ngai, Middle East chim lo ahcun an tam biknak ram a si. Swedish citizens, Kurdish origin mi 6 Parliament member an si. Finland ah Kurdish-speaking population 15,000 an um, Turkey nih PPK pawl hna hi a rem lo ngai mi an si. Mah bantuk in Turkey nih fiang cik cek in a chim cang caah Sweden le Finland nih NATO members ram pakhat si ve ding in heh tiah an nih zuamnak cu a tlamtling har ngai lai tiah zum a si.
Mah bantuk in Turkey nih a chim mi cu Russia caah thawngpang tha ngai a si than hoi. Cre-RTK
Kawlram thawngpang… Ramkomh Kawl Rampi Kong Ah Ram Dangmi An I Thlak Ahcun Daihnak
Kan Hmu Lai Lo -Min Aung Hlaing. Hramhram uknak latu Min Aung Hlaing nih ”KNU, KIA le KNPP, EAOs phu hna hi PDF, CRPH he pehtlaihnak an ngeih lawng si loin ramdang he pehtlaihnak an ngeih caah, remdaih tonbiaruahnak ah kai an duh lo hi a si,” tiah a chim. May 12 Naypyitaw Council meetting ah remdaihnak kong he pehtlai in Council upa pawl hiti a chimh hna hi a si.
Ramkhel, le ramchung buaibainak kong ah ram dang mi an i tel paoh ahcun zeitik hmanh ah
remdaihnak kan hmu lai lo, tiah a chimchap. “KNU, KIA le KNPP hna cu an hmunram ah ummi
ralhrang PDF le CRPH he an i pehtlaihnak kan hmuh khawh, PDF le CRPH cu ram dangmi he pehtlaihnak an ngei fawn. An dihlak in pehtlaihnak an ngeih dih caah remdaih tonbiaruah kan sawmmi hna an cohlan lonak hi a si. Ramkomh Myanmar rampi kong ah ram dangmi an i thlak ahcun daihnak hmuh a har ngaingai lai,” tiah Min Aung Hlaing nih cun a chim.
Remdaih tonbiaruahnak he pehtlai in SAC nih, May 9 a donghnak cazin pek ding a ti bantukin
NCA min a thumi phu 7 le a thu lomi phu 3, an dihlak 10 an kai lai, tiah theih a si.
==YeOo peng, Mungtapin khua ah phung-ki 3 telh in khua mi 40 hrawng cu nizaan May 12 ah SAC ralkap nih ralphaw ca ah an tlaih hna hnu in, nihin May 13 zinglei ah khua mi 20 hrawng ruak cu hmuh an si, tiah tualchung mi nih an chim. SAC ralkap hna cu a luancia May 10 ah khuachung ah meithal i puah pah in an luh caah,
tualchung mi hna cu a himnak hmun ah an zaam hna nain, hawi zaam lio ah zaam lo in
khuachung ah a um mi cheukhat cu SAC ralkap nih an tlaih hna, tiah tualchung mi nih cun an chim.
Nihin May 13, ah tlaih a tong mi hna chung in nunnak a liam mi hna ruak cu khua pawng ah hmuh an si, tiah YeOo peng tualchung hriamtlai phu nih nihin May 13 zinglei ah an thanh. “Nizaan ah tlaih a tong mi hna chung in minung 8 cu an luat i, SAC ralkap kut in a luat mi hna nih cun, ‘Rawl zong an kan pe lo, nilin lakah an kan pho,’ tiah an chim.
Nihin zinglei ah miruak hmuh mi 20 hrawng an si cang, cheukhat ruak cu an kut hri tem bu in mei an
khangh hna, cheukhat cu an mui zong a fiang ti lo,” tiah Mungtapin khua in a zaam mi pakhat nih BBC ah a chim. Nihin May 13, ah SAC ralkap hna cu YeOo peng Pegyi khuachung ah lut in khuachung inn 70 in 100 hrawng cu an hrawh i, facang tin 1,000 leng zong kan sung, tiah YeOo pah-kah-phah phu nih an thanh. SAC ralkap lei nih cun YeOo pengchung thil cang mi kong ah nihin May 13 chunhnu tiang ah thawngthanhnak an tuah rih lo.