A cung heading hi keimah nih question ka tuah mi a si. a cungah ca tu hi cu Pu. Thang Ci Lian nih a tialmi a si. Mipi a thong hmai ah Rev. Dr Chum Awi nih a chimmi, Religious and political Voice nih video a postmi ah Thang Ci Lian nih comment a pek ning a si, A comment ning tein zeihman chap lo in ka vun langter mi a si. Comment a tial ning ahcun “Dr Chum Awi chim mi hi a dik!Tutan election commission upa nih an thil tuah hi mi fonh lei tu cu a si lo.
CBCUSA dawt zong a si lo. Mah pengtlang le mah hawi kom dawt tu a si deuh.
Thimnak tuah hlang ah,Thimnak lei tlangtla tu hna nih an mah pengtlang Pastors vialte hna hmunkhat
ah komh in,Group an ser ti Kan theih. Pathian riantuan tu cio cio hna an ruah ning hi an vai dang dah! CBCUSA pi a ngen cu a dam kho ti lai loh…Zeicatiah pengtlang dang fuatnak lungthin an nei. A fuainak chim ahcun holh dang deuh tein a vun holh mi hna,rem lo nak an nei. Indianapolis ah a um mi Bu pakhat hna lebang cu meeting kai dingah,minung pakhat te hmanh an telh duh hna loh. Members 1500 leng a um mi an si. Khua hi fakpi in an ruah awk a si”.. Cre-Thang Ci Lian
Kawlram thawngpang…Yinmapin Pengkomh Ah NUG Fim Cawnnak Lei Hruainak In
Exam An Tuah Sagaing ramțhen, Yinmapin pengkomh i khua pakhat ah NUG cozah fimcawnnak
lei hruainak in nihin July 9 ah ah exam an tuah. Cu exam cu taangcheu in taanghra tiang tuah a si i siangngakchia 600 tluk an phi tiah theih a si.NUG Ministery of Education i caan kar lak cacawn kum ah ca chimtu saya/mah, volunteer dihlak 55 le CDMers 18 nih ca an chimh hna tiah theih a si. A luancia July zarhkhat nak zong ah khan Yinmapin pengkomh khua pakhat ah NUG i fimcawnnak lei
siangngakchia tonpumhnak, cathiam hlei laksawng pek nak le winter sports an tuah piak hna.
== MinKin Peng TaungLat hmunhma Ah Rallam A Sialmi SAC Ralkap Kahdoh An Tong , Ralkap 2 An
Thi. Sagaing ramțhen, MinKin peng TaungLat hmunhma ah rallam a sialmi SAC ralkap le PyoSawHtee hna cu kah an tong i SAC ralkap 2 an thi tiah MinKin dothlennak kong thawngthanh tu hna nih an langhter. Nizan July 8 ah MinKin peng Taunglat hmunhma um Nichuah Kolay khua in SAC ralkap hna cu AHtetSaThar (အထက်စသာ)khua lei ah rallam an sial. TaungLat Pah- Kah- Phah phu hna le MinKin PDF battalion 2, tat- khuai 2 hna nih an bawh hna i an kah hna SAC ralkap 2 an thi tiah MinKin dothlennak tuahtu phu nih an langhter.
=Ṭaal Khua Pawng Kahdohnak A Dih In Ṭaal Khua Cu SAC Ralkap Nih An Khangh Caah Inn 10 A Ciam
Falam peng, Falam-Hakha lam cung um Ṭaal khua cu SAC ralkap nih inn 10 leng an khangh cang, tiah tualchung mi hna sin in theih a si. Nizan July 8 ah Ṭaal khua pawng ah SAC ralkap le CNA, CNDF, CDF kar kahdohnak a chuak i, SAC ralkap 15 nak tam an thi, tiah theih a si. SAC ralkap pawl nih Ṭaal khua cu an khangh i, Falam khua zong in hriamngan voi hnih hrawng an kah, tiah tualchung mi hna sin in theih a si. Ṭaal khua cu SAC ralkap nih a voi thumnak an khangh a si i, inn 30 leng a kaang cang. Ṭaal khua cu inn dong 36 umnak khua hmete a si. Cre-TCP