CDF-Mindat Le SAC ralkap Kahdohnak Ah SAC Ralkap 4 an thi, CDF-Mindat In Ralkap Pakhat Nunnak A Liam! Nihin June 29, zaanlei suimilam 2:00 ah CDF-Mindat le SAC ralkap kar kahdohnak a chuak i, cu kahdohnak ah cun SAC ralkap pakhat a thih lengah ralkap zeimawzat hliamhma an tuar. Zaanlei suimilam 3:00 ah kaphnih kahdohnak a chuak ṭhan i SAC ralkap lei in minung 3 an thi chap,
hliam tuar zong an um tiah theih a si. CDF-Mindat ralkao pakhat cu hliamhma pu in,
hnu an tolh lio lampi ah a nunnak a liam. Pakhat zong hliamhma a tuar i, a hliamhma kong
ah thin phan ding cu a um lo tiah nawlngeitu pakhat nih a chim. Hṭilin peng Aungyua khua in a chuakmi SAC ralkap hna cu Mindat peng Palungtui khua ah lut in umhmun an khuar tiah theih a si. Mindat pengchung ah faak ngai in kahdohnak chuak kho a si caah, an herhmi bawmhchanhnak pe cio ding in CDF-Mindat nih bawmhhalnak cathanh an chuah. Cre-TCP
Thawngpang dang…OakPhu PDF 4 Cu Kan Sin Ah An I Fonh Tiah SAC Ralkap Nih
Thawng Dik Lo An Thanh!: OakPhu(အုတ်ဖို) PDF chungtel 4 cu kan sin ah an i fonh,
tiah SAC ralkap kuttang um media nih an thanhmi cu a dik lomi thawngpang a si tiah Tayawady(သာယာဝတီ) pengkomh battalion 3802, ṭat-khuai 4 tualchung hriamtlai phu, OakPhu(အုတ်ဖို) peng nih nihin June 29 ah an thanh. SAC ralkap kuttang um media hna nih thawngthanhnak an tuahmi OakPhu(အုတ်ဖို) peng PDF chungtel ah ruahmi minung 4 hna cu biaceihzung nih
phungrelnak caang 505(a) in tlaih an timhmi an si i, OakPhu(အုတ်ဖို) PDF chungtel
an si lo, tiah theih a si. SAC ralkap kuttang um media hna nih mizapi lung buaiter
nakding ah thawng dik lo thawng an thanh, tiah media nih an langhter. OakPhu(အုတ်ဖို) – PDF chungtel hna nih cun SAC ralkap uknak cu a hram chah a si tiang kan doh lai, hramhram in nawlngeihnak a latu kuttang ah kan kun lai lo, tiah cathanh an chuah.
==Hpakan Peng Ah NLD MP Pakhat Inn Cu SAC Ralkap Nih An Hrenhpiak!:
Hpakan(ဖားကန့်) peng MP Ko Aung Hein Min(ကိုအောင်ဟိန်းမင်း) inn cu hnin
June 29 zinglei Sml 6 hrawng ah SAC ralkap nih tawh an hrenhpiak tiah theih a si. Ko Aung Hein Min inn hi Hpakant Aye Mya Thaya(အေးမြသာယာ) sang Shaywakah(ရှရော်ခ) khua ah a um i, mawṭaw 10 in a kal mi SAC ralkap 50 hrawng nih tawh cu an va hrenhpiak, tiah khua mi pakhat nih a chim. Inn ah cun ahohmanh an um lo i, innchung thlilri zong an hrawk lo tiah theih a si. Ko Aung Hein Min hi 2020
Election lio ah NLD palai ding in aa zuam i Hpakant peng in a tling mi MP pakhat a si. Cun, CRPH le
NUG he zong rian a ṭuanṭi mi a si caah SAC ralkap nih a inn an hrenh piak nak hi a si lai, tiah mi pakhat nih a chim.
==Ngawnglaypin Kahdohnak Ruangah Khua 30 in Minung 16,000 Leng Ral An Zaam!: Pako ramṭhen Ngawnglaypin(ညောင်လေးပင်) pengkomh chung ah KNU le SAC ralkap kar kahdohnak ruangah khua 30 in minung 16,000 leng cu a himnak hmun ah an zaam hna, tiah KNU nih an thanh. Ngawnglaypin pengkomh Mung peng le Kyaukgyi pengchung kahdohnak ah hriamngan zong an tla, tiah theih a si. Khua 11 ah mah pumpak thazaang in
sianginn onnak an tuahmi hna zong an khar ṭhan, tiah theih a si. Nizaan June 28 zinglei ah Kyaukgyi
khuac Myatta(မတ်ေတာ) sangchung ah hriamngan kuan a tlak caah kum 30 tluk nu pakhat cu hliamh a tuar, tiah theih a si.
=SAC Ralkap He Rallam A Sialtu Pyusawhṭi Chungtel 2 MRA Nih An Fimhlawm Hna!: Sagaing ramṭhen Myaung peng Shwepan khua ah SAC ralkap lam hmuhsak ding in a zultu pyusawhṭi 2 kan fimhlawm hna, tiah Myaing Revolution Army(MRA) nih June 29 ah an thanh. Shwepan khuachung ah aa hrocer i a aukhuang mi pyusawhṭi 2 cu
SAC ralkap hna he i ṭhencheu in an um kar ah, a thli tein kan fimhhlawm hna, tiah MRA nih cun an langhter.
Pyusawhṭi 2 thah an ton caah SAC ralkap lei nih hriamngan hriamhne an duhnak hmun poh an kah nain tualchung hriamtlai phu lei hliam tuar an um lo. MRA nih kahdohnak faak an tuah caah, mizapi nih hliamhma an tuar nakhnga lo, ralring tein SAC ralkap hna cu hrial ding in thawng an thanh hna. Cre-The Chin Post