Cazing fiang ngai in langter a si. Kawlram chung buainak ruangah Chin state zong nih heh tiah ralhrang pawl doh i, mah le lam cio ah i cawlhcawng ve a si. Ralhrang uico pawl le Chinland Defense Force i tuknak thla u chung in, Ralhang uico lei a thi mi dihlak cu 1029 an si tiah report nih a langter
Mipi pasaltha hnna lei ah minung 50 nih ram le miphun caah an rian tuannak ah an nunnak a liam ve tiah Chinland Defense Force Committee nih a langter.
Kalay, Tamu, Gangaw, Yaw telin Chin state township 9-ah Chin mipi kilven tu pawl le military council ralkap hna cu
thla 9 chungin voih 180 leng an nih kap, Ralhang lei minung 1029 an thi lio ah, Mipi caah heh tiah a cawlhcang mi pasaltha hna minung 58 an thi ve. Cre-Tahan Post
Thawngpang dang…Kayin ramkulh, Hlaingbway khua ah ralhrang nih uknak an laak kumkhat a tlin ni camtuak ah ralhrang cohlannak an tuah i, cu i an hruaitu minung 7 cu min hngalh lo hriamtlai phu nih an tlaih hna, tiah khua mi sin in theih a si. Tlaih a tong mi hna hi atu tiang khoika ah an chiah hna theih a si rih lo.
Hlaingbway khua mi pakhat nihcun, “Ralhrang cohlannak puai cu anmah pa sarih nih an hruai hna.
Ralhrang cohlannak puai ah cun khua mi hohmanh kan kal lo. “An tlaih hna hmanh hi a nem tuk rih,
ralhrang thapetu le leirawitu an si i, fimtawl ding hrimhrim an si,” tiah a chim. Atu an tlaih mi hna hi a thlithup in National Identity Card a tuahtu le ralhrang/palek sin ah thawngpetu an si hna, tiah Hlaingbway khua um mi khua mi hna zong nih an chim.
= Kalay Thlanglei Ah Mizapi Ralkap Hna le Ralhrang Kar Kahdohnak A Chuak; Kalay thlanglei ah a um
mi, Kyinthar khua ah umhum a khuar mi ralhrang phu le Pyo-Saw-Tti pawl cu CDF-Kalay, Kabaw, Gangaw(CDF-KKG), CDF-Hakha,
PDF-Kalay brigade 4, 7, Ranger Kalay Defense Force (RKDF) phu hna aa bawm mi nih nihin February 3, zingka suimilam 6:30 thawk in an kah hna, tiah theih a si. Kahdohnak a chuah lio ah Gangaw peng chaklei, Hantharwadi khua ah umhmun a khuar mi ralhrang nih hriamngan in an rak bawmh hna. Zingka suimilam 8:00 tiang hrawng an i kap, tiah theih a si.
Mipi vengtu ralkap funtom phu nih sniper le hriamngan in an kah hna i ralhrang pahnih an thi; hliamhma a pu mi an tam, tiah theih a si. CDF-KKG le CDF-Hakha in minung pahnih nih hliamhma an
pu mi ti dah lo Mipi vengtu ralkap funtom phu dihlak cu him tein hnu lei an kir kho ṭhan tiah theih a si. Kah a tong mi ralhrang phu nih Kyinthar khua in nitlaklei ah a um mi Aungtharya khua cu an luhhnawh hna i, khuachung um pa cheukhat an tlaih hna. An tlaih mi hna chung in minung pahnih cu an thlah rih hna lo, tiah theih a si. Atu lio ah kahdohnak a chuah khawh lengmang caah mizapi dihlak February 12 tiang Kalay-Gangaw karlak lam ah khual tlawng rih lo ding in thawng an thanh. Cre-TCP