Chin State Municipal Chairman U Soe Htet nih AA pawl cu fakpi in a phomh cang hna; AA pawl nih zeitindah an leh te lai?

Bia halnak a tam ngai, zia mah bantuk in kan ral a si lomi nih Chinmi cungah  thil an tuah? Zia mah bantuk in Chinmi ralzam a bomhtu cungah harnak le thil tha lo an tuah peng? Kawl ralkap kan si lo ti an theih bu in zia meithal in an kan kah lengmang ko?

AA le kawl ralkap buainak nih harnak longte a chuahpi cang, dai lei a kawlkho hrim lo, mi sifak le ralzam an kar thluamah i, mah lawng cu si lo, ralzam le ei awk a ngei lo mi tiang bomh khawh an si ti lo. AA le kawl cozah i kah ruangah Chinram chungah ralzam an tam chin lengmang i, rawl eidinga ngei lomi an tam tuk cang. Paletwa khuapi ah hin mi 37,00 nak in tam an um cang.

Cozah rian a ttuanmi minung 10,000 leng rawl ei ding ngei loin an um cang ttin Chin State Municipal Chairman U Soe Htet nih a chim. Paletwa 0khuapi caah eiding facang tung 830 le nifatin an her mi ei ding le sii lei phortu motor cu April 16 ah Sami khua in Paletwa lei ah a kal, Natein AA pawl nih motor cu ceilak in an kah hna. Mah bawmhnak a phortu motor ah hin ralkap an si lo ti theih khawhnak ca an ttial (signboard le flag arang mian tar)

Natein AA ralkap pawl nih cun mah vialte hi an hmuh ko buin motor cu fakpi in an kah, AA pawl nih an kah caah bomhnak a phurtu motor cu an kal ngam ti lo i,¬† cawlhcang ngam tiloin an um peng ko tiin a chim’. Atu bomhnak an phur mi hi thlakhat eiding a si. Sami le Paletwa hi suimilam 2 kal lawng a si. Mah bantuk in AA pawl nih bomhnak a phortu motor an kah mi hi, mi pangngai thil tuah mi a si lo, mi pangngai lo thil tuah mi asi tiin a chim.- DVB

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah zong nih ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Chin State Municipal Chairman U Soe Htet nih AA pawl cu fakpi in a phomh cang hna; AA pawl nih zeitindah an leh te lai?"

Leave a comment

Your email address will not be published.


*