China nih vawleicung ramkip a kut tangah chia a tam ning voih tampi ka rak tial cang. US intelligence Agency pawl nih Missile le thil dang dang ah US a thangcho ning an langter mi zong ka vun langter cang i, Cun US nih GDP ah US a tei ning le US leiba angei tam ning kong ka vun tial cang kha. Covid a vun chuak hnuah US lawmaker
pawl zong nih China an huat tuk cang i, China cu zeilei poah lam phih piak ding in bill an chuahpi cuamah cang.
US Senators Tomm Cotton, Arkansas, Republican le Mark Kelly, Arizona Democrat nih, US House le Senate ah
party ti um lo in China lei in “rare-earth metal supplies’ an control khawh lo nak ding caah ceih si seh tiin bills an chuahpi cang. Tom Cotton nih a chim ning ahcun, Chinese Communist Party pawl nih vawlei cung ah rare-earth element supplies, zei thil poah caah kan hmang mi, fighter jets sernak tiang ah hmang mi hi an kutah control khawhnak a um ding a si ti lo.
America hi China kut tangah kan um ding a si lo. China hi kan i nghahnak ding a si lo tiin Bills a chuahpi nak ruang a chim.
Tom Cotton Senate’s Armed Forces le Intelligence Committee nih a chim chap ning ahcun, China kut ah mah
bantuk nawlngeinak nganpi a um mi hi ka duh ti lo, China control tangah kan um ding a si hrim lo tiin a chim. United States Geological Survey (USGS) nih report an langter ning ahcun, Kum 2019 ah China ram in US ramchungah /Washington ah rare-earth a lut mi/imports hi 80% a si. Kelly Democrats Senator nih mah bills kongah a chim ning ahcun,
Mah bills kongah party, party e ti um lo in, lungkhat tein mah bills kan cohlan ding mi a si, Aruang cu America hi
global leader (Vawleicung hruaitu) kan si ning a langter tu le a fekter tu a si chin lai tiin a chim. Atu hi China nih 44 million tons rare-earth metals an ngei. Cred-RTK
China hi a rum chin lengmang i, a thawngchin lengmang caah mah bantuk in US nih lam a kawl lo ahcun a rau hlan ah US a tei hrim lai ti zum a si. China economic cu a thangcho tuk i, Covid ruangah heh tiah an buai ve konain, An economy a hrawh lo caah China hi a rau hlan ah super power ram a si lai tiah zum mi a si.
Atu cu Western pawl nih thil sining an thei fiang chin lengmang caah China he rian tuanti an duh lo chin lengmang ve cang.
China nu muidawh tuk mi hmangin UK MP pawl an cawk ning kong caan a um ahcun ka vun tial te lai, UK, MP pawl kha, Parliament ah China lei kap an ttanh khonak ding caah China nih millions tangka tampi mah MP pawl hna hi a rak pe hna tiah thei a si. Atu hi UK zong mah kongah thawngpang a linsa ngai.