China caah cun mangchia bak si cang ko; USA lonh a tim mi vialte cu President Trump nih a a hrawh piak dih

China nih vawlei cung uk a tim ning fiangtein mah Chinpage ah kan ttial cang. China thil tuah ning cu zoh sawh sawh ding a si ti lo. China le India cu Ladakh ramri ah an buai ngai. China le Taiwan, Hong Kong,  Australia, UK ram pawl he fakpi in an buai. Natein mah hna hi cu China nih technology lei ah a tei ngai mi longte an si

China nih a tei khawh lo mi pakhat cu USA hi a si. Trump USA President a rak si hnuah China thil tuah mi le a timh mi cu fiangtein a thei caah China hremnak ding caah Trade War a kal pi. China nih a tei khawhlo caah USA he deal an tuah.

Tlamtlingtein a kal lai tiah zum a si lio ah China ram chungin zawtnak a rak chuak tthan. Mah zawtnak nih USA cu faktuk in buainak a pek. USA economy cu a hrawh dih. President Trump nih a celh ti lo caah China companies 33 le sianginn tampi cungah dantatnak a tuah. Mah hnuah China sianghngakchia tampi 3000 Visa cu a phih piak tthan hna

Natein mah vialte hi cu China caah cun zeihman a si lo, President Trump mifim le USA dawtu, a chim ning bantuk in a tuah lengmang mi nih China nih technology hmangin USA lonh a tim ning vialte cu fiangtein a thei caah China caah a fak khawh chung in dantatnak ding caah a tel lo in mobile ser khawh lo mi thil pakhat “super-conductor chips”  cu China nih a uahpi ngai mi China company (Mobile sertu) Huawei sin ah kuat ti lo ding in bia khiahnak a tuah cang. Mah Super-Conductor Chips hi China nih a serthiam lo mi, USA sin in a cawk tawn mi a si. Mah bantuk a si ah cun China nih Technology hmangin USA lonh a tim mi cu President Trump nih a hrawh piak dih tinak si cang. Source-CNBC

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor