China caah tih nung tuk mi, US nih a hriamnam sertu sin ah order apek cang hna

US le China cu kan theih cia bantuk in meheh le uico bantuk an si i, China President Xi Jiping nih Chinese ralkap hna cu kum 2027 ah US ralkap an tei khawh nak ding caah lam kawl ding in nawlh a rak pek cang hna i, mah kong hi Chinpage ah ka rak tial cang kha

Cun a luanbia zarh hnih hrawng ah China nih tih nung tuk mi Hypersonic Missile a test nak kong ka vun tial cang kha,

Mah China nih Hypersonic Missile kongah US pentagon zong nih tih nung ning le US ram caah zeitluk in dah tih a nung lai ti kongah

US ralbawi Mark Milley zong nih fiangtein a chim mi mah Chinpage ah ka rak tial ve ang kha. Atu cu US nih China thil tuah mi hi zoh sawhsawh a tim lo i, thawngpang thar a vun ngeih than cang, Atu kan vawlei hi Hypersonic Missiles stage global ah kan lut cang, Mah hna cu US, India, Russia & China hna hi an si.

US Defence hruaitu pawl nih China Hypersonic Weapons August ah a test kha tih nung ning heh tiah an rak chim cang kha

China nih mah bantuk in thil a tuah caah The Pentagon nih November ah hin Northrop Grumman, Lockheed Martin & Raytheon sin ah

Phase Interceptor (GPI), missile system – US caah tih nung tuk mi Hypersonic Missile lakah US a ven khawh ding mi serh ding a thim hna. Lockheed Martin and Raytheon hi raltuk jet ser lei ah a thiam tuk mi, a lar ngai mi hna kha an si Missile Defense Agency’s (MDA) nih thawngthanhnak a tuah ning ahcun Raytheon Missiles and Defense $20.97 million,

Lockheed Martin $20.94 million, & Northrop Grumman $18.95 million hna pek an si. Mah company 3 nih hin September 2022 hlan ah prototypes design cu US cozah sin ah an ap lai.

China hi space lei ah a thangcho tuk caah US zong nih um sawh sawh a tim ti lo, Cun China nih Hypersonic Missile a test mi kha, US caah tih nung tuk mi a si  caah China Hypersonic lakah US kilven nak ding caah atu bantuk in US nih Northrop Grumman, Lockheed Martin & Raytheon sin ah Phase Interceptor (GPI), missile system buaipi ding in a thim mi hna hi a si. Cre-RTK