Kawlram thawngpang cu a linsa peng ko, mipi lei nih teinak kan hmuh hrim lai tiah 100@ an zum nganmak zong heh tiah an chim cuamah cang. Mah bantuk in ralhrang ralkap he i thuat hnuah a sung mi si cu a fak tuk lai caah mipi zong nih ralhrang uico cu tei hrim ding in heh tiah cawlhcangnak an ngei peng
January ni 7 ah China cozah le Ralhrang cozah nih company an nih hrawm mi, Myanmar CNMC Nickel hna,
Takaung Nickel Factory ah power supply nak Tower hna cu ThiCheingh PDF pawl nih ceilak in an bomb i an
hraw mi kongah, NUG Defense Minister cu China cozah nih a vun chawn i, China cozah he a pehtlaih mi thil pawl hna cu hrawh piak lo ding in zaangfah a hal. Mah bantuk in China nih NUG Defense minister zaangfah a halnak kongah, NUG Defense minister pu. Yimon nih China cozah sin ah a leh mi cu, Kan policy kongah ramdang business hrawhpiaknak a um lo i,
Cun, ramdang investment pawl hna umnak hmun hma Area ah SAC pawl nih umnak caah an hmang tawn caah,
mah an umnak hmun in mipi cungah thil thalo an tuah lengmang tawn caah kawlram chungah business a tuah mi hna cu
Min Aung Hlaing cozah he um tti lo ding in China sin ah a theiter. Zahan ah fakpi in i tuknak a um tuk lo caah, Zahan ah kawlram chungah ralhrang ralkap lei a thi mi dihlak source nih a langter ning ahcun 25 an si, Cun PinLeBu PDf 1 a thi tiah thei a si. Cred-Mosespa
Thawngpang dang….Mizoram, Saiha ah Bomb Tampi an Tlaih Than. Mizoram, Saiha District chung ah Assam
Rifle ralkap bu nih bomb tampi an tlaih tthan, tiah thawng an chuah. Bomb an tlaihnak hmun hi Saiha District chung i ramri khuate Zawngling khua pawng ah a si. Assam Rifle ralkap bu nih Truck Motor pakhat an kham i bomb tampi an phorhmi an hmuh hi a si. Bomb a phortu minung pathum zong an tlaih hna. Kan hnu December 31 zong ah khan Saiha District, Mawhre khuate pawng ah Bomb sernak thilri le meithal kuan tampi an rak tlaih cang. Cre-TCJ