China duh lo bik mi cu US nih a tuah cang. China lam phih piak a si thluamah cang

US le China buaining cu voih tampi ka tial cang. Natein China hi kum 2035 ah super power ram si a tim caah Super Power ram a si khawhnak ding caah a her mi poah a tuah thluamah mi a si.

China President Ji Xiping hi pafim le paraltha bak a si ve caah US nih zoh sawhsawh a tim lo caah china khamnak ding caah a her ning in lam a kawl peng ve mi a si

Tuthla chungah China nih fighter Jets hmangin Taiwan ADI Zone ah voih 6 leng an lut cang, Taiwan nih COVID-19 sii a hmuh khawhnak ding caah lam heh tiah a kawl mi cu China nih lam phihpiak a tim peng.

Natein mah bantuk in China nih Taiwan cungah thil a tuah mi a zo sawh sawh kho ti lo caah US nih 2.5 million dose cu Taiwan a apek (mah kong hi ka tial cang kha)

China  nih Taiwan a tuk ahcun, Taiwan vennak ding caah ‘Taiwan Defense Act’ – Congress House le Senate ah introduced nak ngei a si cang. US Representative Mike Ghaller, Micheal Waltz, Guy Reschenthaler le Vicky Hartzler nih

“China nih Taiwan a tuk ahcun America nih Taiwan a bawmhnak ding caah le China cu ceilak in tuknak ding caah lam kawl si seh ti House le Senate ah an chuahpi mi a si CCP (China Communist Party) senior leaders pawl nih

Taiwan cu tuk (invasion) a si kho peng ti an chim peng caah Taiwan Strait – hriamnam le ralkap thaang hmangin China tuk a si khawh venak ding caah ralring tein um si seh.

Taiwan liberty hi kan ram caah thil pawimawh tuk mi a si caah, United States security interest – Taiwan Defense Act hmang in CCP Taiwan invasion ding mi hi America nih kan ven/kham lai”.

US Senator Josh Hawley ” CCP (China Communist Party) nih Indo Pacific le Taiwan hi a kut tangah chia a tim peng. Natein mah bantuk hi kan tlungter lai lo. Beijing nih a tim mi hi Asian allies lawng si lo in Americans Indo Pacific chungah um mi pawl caah tih nung ngai mi dirhmun a si caah,

Mah bantuk hi kan tlungter hrim lai lo”- Taiwan Ministry of Foreign Affairs nih Taiwan Defense Act House ah chuahpi a si caah The Senate le House sin ah lunglawm bia a chim. Source-New.Yahoo

Thawngpang ka tial mi hi hi vawlei media a ngan mi sin in ka hmuh mi le ka rel mi a si ti careltu nih nan ka thei piak nak ding caah theiternak ka vun tuah- By. Madison Lc (Chief editor)

Be the first to comment on "China duh lo bik mi cu US nih a tuah cang. China lam phih piak a si thluamah cang"

Leave a comment

Your email address will not be published.


*