China duh lo mi lawngte US nih a tuah cuamah cang ko. A linsa chin lengmang ko

China le US hi cu voih tampi ka rak tial tawn bantuk in uico le meheh an si i, China intelligence thawngpang US nih a langter mi zong ka vun tial cang kha. Kum 2036 hnuah US tei khawhnak ding caah lam an kawl cuamah lio tiin. US nih China cu sourth East tipi ah cawlhcang kho lo bak in a tuah. Mah lawng si lo, China nih ka ram tiah a chim peng mi Taiwan zong US lei a vun dir pi i,

India le Japan cu Air Power lei ah an thawng chin chin lengmang i, rian an tuan chin lengmang cang caah China caah mangchia bak si cang

China nih Taiwan hi China ram a si tiah a ti peng, natein Taiwan nih a cohlan lo i, a ven nak ding caah vanlawng tih nung tuk mi US ta,  F-16 $1.44B man cawk a tim than hoi cang.

Taiwan hi Asia ah F-16 a ngei tambik ram a si. Mah bantuk in China vanlawng a cawk lengmang mi hi  Asian Giants China in i vennak le China dohnak caah a si tiin an chim. Taiwan Relations Act hmangin in Washington nih Taipei caah kum 2010 thawk in $23 billion arms sales ding in Taiwan he rian an tuan ti. Kum 2019 ah US nih Taiwan sin ah Lockheed Martin F-16 Block 70 fighter jets , $8 billion man zuar ding in hnatlaknak a rak tuah.

American aerospace giants General Dynamics & Lockheed Martin nih an ser mi F-16 hi 4++ gen ( fourth generation) ah cun a tha bik a si.

Biden administration nih 40 new M109 self-propelled howitzers , convert projectiles kits 1,700 (precise GPS-guided munitions, ) $750 million deal an cohlan piak hoi cang caah China a thinhung a celh bak ti lo.

Mah lawng si lo in China ram he a buai peng mi Japan zong, US nih, Biggest Fleet Of F-35s – F-35 stealth jets caah US nih Japan sin ah 105 F-35 joint strike fighters zuar a rem ti cang.Mah package ah hin 63 F-35A conventional takeoff & landing , 42 F-35 short takeoff & landing variants a si lai. Mah vialte thawngpang China nih a vun thei cu China caah thawngtha a si lo tia fiang.

China caah ral a si mi, ram pali, US, Taiwan, India le Japan hna cu an thawng thin chin lengmang i, China nih

Taiwan le Japan cu heh tiah hriamnam lei in a bawm cuamah caah China caah South East China ah duh poah in cawlhcang cu tih nung tuk cang lai. Cred-RTK

Kawlram thawngpang… Mahten dirkhawhnak nawl,tlukrual nak le federal democracy ngahkhawh nak ding tiang kan i zuam lai tiah KNU nih cathanh an chuah Mipi hna nih ngahding mi Opportunity, Equality, mahten dirkhawhnak nawl le federal democracy ngahkhawh nak ding tiang kan i zuam Lai tiah KNU nih cathanh a chuah.Nihin September 21 International Day of Peace cakuat ah KNU nih a chim.

KNU nih tinhmi a tlamtlinnak ding caah minung hawi hna i nunnak,ngeihmi chawva thilri, an pum pawcawmnak ding caah le humhimnak ding caah

zuamnak he riantuan mi mizei phu he poah hmunkhat ah rian kan tuan ti lai tiah cathanh an chuah. Cun ralhrang phu hna he a pehtlai mi ruahnak le riantuannak in

i runvennak ding le a tlau khawh nak ding caah thazaang chuah in kan tuan lai tiah KNU nih forhfialnak a chim. Kawlram tuanbia chungah humhim lo nak, thinphan thlalau nak, hramhram mithah lainawn nak cu rak ton zungzal a si, deihnak hmuhkhawh nak ding caah dawnkhan tu ruahnak zong rak ton a si.

Atu bantuk ruahnak le tuahsernak cu hramchah in ngol a si lo ahcun, deihnak he i hlat rih a si ko lai tiah KNU nih kuatmi ca ah an telh.

Minung hna nih nunnak, ngeihmi chawva thilri, sianginn hna le pum pawcawmnak humhhngak in i runvennak ding caah an mah le phu hruaitu hna le mino hna phu fonhnak zong a herhtuk mi a si tiah KNU nih a chim. Cu ruangah minung hna i humhim lo nak le deihnak um lo nak a chuahtertu ruahnak le nunphung hna cu kilvenl dingah thazaang chuah a herh tiah KNU nih forhfialnak a chim. Thanlwin Times (TCP)