US defense budget a tam kho ning cu khuaruahhar bak si cang, atu Defense bills an cohlan mi hi an langter ning ahcun China le Russia pawl an luan chin lengmang caah China le Russia ralchanh nak ding hrim caah hmang a si lai an ti. The US House of representative pawl nih Nithum ni ah 2022 National Defense Authorization Act caah US $770 billion an cohlan.
Mah bantuk in US House of representative nih a cohlan hnuah Pentagon nih 17 F-15EX fighters le 12 F/A-18E/F Super Hornets hna
cu Boeing company in cawk ding in tim tuahnak an nei cang. Mah bantuk in tlamtling tein Bill an cohlan khawh caah
House Speaker Nancy Pelosi nih lunglawmnak bia a chim i, Mah bantuk in bills kan passed khawh mi nih ralkap pawl zohkhennak ah si seh, hriamnam kongah si seh US ralkap pawl heh tiah a thawngter hna lai i, kan hawikawm ram a si mi zong heh tiah kan bawmh khawh hna lai tiah a chim. Atu hi Russia nih Ukraine cu tuk a tim caah
Joe Biden le Putin cu zahan ah online ceih hmainak an ngei i, Joe Biden nih Russia cu ralrinnak a pek cawlh i,
Russia nih Ukraine a tuk ahcun US nih Ukraine kan bawmh hna lai tiin a chim. Mah bantuk in bill tlamtling tein
an cohlan khawh mi ah hin, Ralkap pawl lakha zong 2.7% in a kai lai. US hi vawlei cung ah ralkap lei ah a thawngbik an si, a ruang pakhat cu US cozah nih ralkap pawl caah budget a chia mi a tam tuk tawn i, ralkap pawl nih an herh mi poah kha a cawk piak lengmang hna caah US ralkap hi nihin tiang vawlei cung ralkap ahcun uar an um bik.
Cun a hlei in US hi super power ram timi a si caah ramdang le ralhrang pawl he i tuk ti h a tam tuk tawn caah US cozah nih Defense budget hi usa a pek ngai mi a si.
Laitlang thawngpang..Ralhrang phu hna nih doh in inn lo hrawh khangh piak a tongmi Chin ramkulh Mindat peng chungkhar hna caah
bawmhnak thilri cu a voi hnih nak pek an si cang tiah UNCHR nih thawngthanhnak a tuah. Mindat khua cheukhat hmunhma ah a dormi hna chungkhar 680 luan caah inn cungcih thilri tling, ni in hmanmi mei inn, tarmometer, kut tawlnak satpiat hang, mask, puan le pher, ti pung le hrawm chiahnak
pung tiang in an herhmi thilri hna cu pek an si tiah a chim. UNHCR cu Chin ramkulh le Myanmar ramchung
in hmundang dang ah bawmhnak pek a herhmi hna sin ah bawmhnak thilri an phanh khawhnak ding ah lam phunkip kawlmi an si. A luancia July thla chung zong ah Mindat khuachung ah UNHCR motor cu a phan i chungkhar 1000, milu 5000 caah bawmhnak a rak pek bal cang hna .#DVB (Cred-TCP)