China mangchia a phan tak tak cang; Trump nih a dawngter dih cang

An buai ning cu voitampi mah page ah kan ttial cang. Tu cu buainak si ti lo in pehtliahnak vialte cu a dawng cik cek cang. China le USA hi chawlehnak leiah fakpi in pehtlaihnak a ngei mi an si. USA ram chungah thil tampi hi China ram in a rah mi an si. President Trump nih a chim ning ah cun USA le China pehtlaihnak vialte cu a dawng dih cang tiah a chim

CBS nih President Trump kawmnak an tuahnak ah President Trump nih a chim mi cu, “US le China chawhlehnak ah rian a ttuan ti mi kan si. Natein tu cu biakhiana kan rak ngei cia mi vialte kha zei hman a si ti lo. Ahlan ah bia kan rak ceicia mi vialte zong kha ka lungah zeihman a um ti lo. China sin ah bia chim zong ka tim ti lo tiin a chim

China he deal ngantuk mi le sunglawi tuk mi kan rak ngei cang i, mah vialte kha tu cu a dawng dih cang tiah a chim. Trade Deal ah teinak kan ngah caah China nih kan cungah phuhlamnak a tuah i, Rai zawtnak thalo tuk mi cu USA ram chungah an tlung ter. China nih USA caah zeihman thil tha tuah mi a ngei lo tiah a chim chap

Trump nih “China he Trade Deal kan rak tuah mi vialte cu, sertthan khawh lo dirhmun a phan cang i, atu cu a dihlak in a kuai dih cang, Coronavirus hi kan khamh khawh, kan dawngter khawh an ti i, tu zong kan dawngter khawh an ti peng i, natein an ka lawng lawng a si.

Tu tiang zeihman an tuah khawh lo. Dawngter an duh tak tak ah cun, mah rai a chuaknak Wuhan laboratories ah an chia mi vialte hna hi vawlei cung thei ding in an phuan awk a si, China rai thalo tuk mi hi ramkip ah kar thluamah seh tiah China nih a duh’  caah biahman zeihman a chim duh lo President Trump nih a chim.

CBS nih a chim ning ah cun US le China hi Trade deal phase 1 ah buainak fakpi an ngei i, atu cu mah bantuk in buainak a chuak cang caah China le US cu zeitik hman ah Trade deal phase hi an kalpi khawh ti lai lo tiah a chim

A hlan ah agreement an rak tuah cia mi vialte cu, Coronavirus le South China sea ruangah tu cu mangchia bantuk in a cang dih cang tiah a chim. Source- CBS

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor