China nih a duh lo ngai mi cu US nih a tuah tak tak cang ko. China cu a cei tak tak lai h

US le China an buai ning cu voih tampi ka tial cang. Obama lio ah China nih US ram chungah tangka a miak mi a tamtuk caah Trump nih a duh lo hi heh tih an rak buai kha. Ahnuah China nih a celh ti lo caah Trump admin ah hnatlaknak, Trump duh ning bantuk in a tuah mi kong zong ka tial cang kha

China nih Taiwan hi a kut tangah chia peng a tim mi a si. Natein Taiwan President, nusal nih a duh lo caah nihin tian a chia kho lo. Hongkong kha fawitein a kut tangah a chia. Hongkong a tuah ning bantuk in Taiwan tuah a tim ve.

Natein Taiwan hnungah US a um caah China nih nihin tiang zeihman a tuah khawh lonak hi a si. Taiwan mipi nih vaccine an nga khawhna ding caah heh tiah Taiwan cozah nih rian a tuan mi cu China nih heh tiah lam a phih piak i, Vaccine an hmuh longnak ding caah rian a tuan.

Natein Biden Admin nih a hlan in kuat a rak timmi nak in a let thum in, 2.5 millions doses of the Moderna Covid19  vaccince cu Taipei, china Airline Cargo hmangin Taiwan ram a phan pi cang

June thla ah Biden admin nih Taiwan cu 750,000 doses lawng pek a tim. Natein Taiwan ah Covid virus a ngei mi an tam chin lengmang caah, US nih China ti hram hram nak ding caah 2.5 millions doses of the Moderna hi zat hi a kuat than mi a si.

Sii hmangin (Vaccines Diplomacy) China nih ramdang tampi a kut tangah chia a tim lio a si fawn caah mah bantuk in US nih Taiwan ram chungah thil a tuah mi hi China caah cun thawngpang thei nuam lo tuk mi a si

China nih vaccine hmangin ramdang tampi bawmh i a kut tangah chia khawhnak lam a kawl lio ah US zong a um sawh sawh lo i, China nak in ramdang cungah thil tha tuah i, China lei ah an kal lonak ding caah tiin heh tiah rian a tuan ve.

US nih Taiwan sin ah Vaccines a kuat mi hi Health Minister Chen Shih-chung & Brent Christensen, the top U.S. official Taiwan nih sunglawi ngai in an rak la

Chen nih a chim mi cu, “US nih mah bantuk in Taiwan caah hi zat sii/Vaccines a vun kuat mi hi kan i lawm tuk hringhrang tiin a chim.  Taiwan´s President Tsai Ing-wen nih Twitter hmangin lunglawmbia a vun chim ve i,  US, President le Biden Admin le State Department, Congress le US ram mipi cungah lunglawmnak tampi ka ngei.

Vaccine nan kan hlut mi thawngin mi tampi nunnak khamh hlei ah hawikom kan si nak thatein a langtertu a si” tiin lunglawmbia Twitter hmangin alangter. Source-ABCNews

Thawngpang ka tial mi hi hi vawlei media a ngan mi sin in ka hmuh mi le ka rel mi a si ti careltu nih nan ka thei piak nak ding caah theiternak ka vun tuah- By. Madison Lc (Chief editor)

Be the first to comment on "China nih a duh lo ngai mi cu US nih a tuah tak tak cang ko. China cu a cei tak tak lai h"

Leave a comment

Your email address will not be published.


*