China thil tuah ning hi super power ram si a timh ning a fiang chin lengmang ko. China nih an ralkap pawl caah Cambodia ram chungah outpost pahnihnak dingmi le Indo-Pacific region a hmasa bik si ding in naval facility a sak cuamah lio tiah thei a si. Ralkak pawl umnak caah a sak cuamah liomi hi Cambodia nitlak lei ah a si i, a min ah Ream Naval Base ti a si, Thailand tipi kamah a um tiin Washington Post report nih a langter.
China nih hin ramdang ah military base pakhat lawng, Africa nichuak lei Djibouti ramah a ngei.
Naval Base a sak tharmi hi China nih global power ram si ding in a rian tuannak pakhat a si.
Navy lawng ngantukmi chia nak ding caah atu asak liomi a tlam a tling ahcun, China ralkap pawl caah cun i doh tikah cawlhcannak hmun hma tha tuk a si lai tiah US official le analyst nih an chim. “Indo-Pacific hi China hruaitu pawl caah cun hmunhma that tukmi a si, Indo-Pacific hi a hlan zong ah China nih an ta bak in an nih ruahchan mi a si” tiin official pakhat nih a chim.
Mah bantuk in China nih an ralkap base sak khawhnak ding caah a thli tein an tuahmi hi
Combodia hruaitu pawl he agreement an sign tiah US le a hawikom official nih an chim tiin
The Wall Street Journal nih cun kum 2019 ah a rak tial cang. Natein kha lio ah Cambodia prime minister Hun Sen le Chinese defense ministry nih mah bantuk report hi a dik lomi a si tiah an chim kha. Natein atu cu a tak tak si cang caah zeitin dah US le a allied pawl nih mah kongah cawlhcangnak an ngei lai ti cu vawleicung ramkip nih an zoh cang hna. Cre-Rtk
Kawlram thawngpang..Kawlram thawngpang…..Nihin June 9 ah Kanpetlet pengchung,
AhtatLatMon khua pawng ah SAC ralkap 185 le tualchung hriamtlai phufonh- CDF-Kanpetlet,
The Youth Force (Saw,Kyaukhtu), PDF-NgawngYan, Saw-PDF battalion 2 battalion(YRPA) hna karlak kahdohnak a chuak. Zinglei suimilam 10:00 in 11:00 tiang ah a voikhat kahdohnak a chuak i, zaanlei suimilam 5:00 in 6:00 tiang kahdohnak a chuak ṭhan. Cu kahdohnak ah cun SAC ralkap 9 an thi i hliam tuarmi zong an tam lai, tiah zumh a si.
CDF-Kanpetlet le tualchung hriamtlai phufonh lei hliam tuar an um lo, tiah theih a si.
SAC ralkap nih rallam an sial caah LatMon khuami hna cu an zaam i,
SAC ralkap nih khuachung ah zuatmi saṭil hna cu an thah i, an ei tiah tualchung mi nih an chim. SAC ralkap nih sualnak ngei lo mi hna cu ralphaw ah an tlaih fawn hna tiah theih a si. SAC ralkap hna cu AhtatLatMon khua pawng ah umhmun an khuar caah kahdohnak faak a chuak kho ṭhan, tiah CDF-Kanpetlet nih an thanh.
==SAC Nih Shan State Army Sakhan 3 Cu Ṭhial Ding In An Nawl Hna Nain SSA Nih An Duh Lo:
Shan ramkulh Maishu peng, Shan State Progress Party/Shan State Army (SSPP-SSA) sakhan 3 cu
hmun dang ah ṭhial ding in SAC ralkap nih nawlnak an tuahmi kong ah “Kan i ṭhial kho lo” tiah SSPP-SSA nih bialehnak an tuah. SSPP-SSA cu SAC lei ah ṭang in, an sakhan 3 zong June 10 hlan ah ṭhialpiak ding in a luancia June 4 ah khan SAC nih nawlnak an rak tuah, tiah theih a si. SAC nih sakhan ṭhialkam ding in an duh mi cu SSPP-SSA brigade 702, battalion 424 nih
kum tampi cawlcanghnak ah an hmanmi sakhan an si caah ṭhialpiak ding cun a si kho lo,
tiah June 9 ah an leh hna. SSA in ṭuanvo ngeitu pakhat nih cun,
“Kan Headquarters sakhan umnak lei a si caah hnahnawhnak pek an kan duh,” tiah a chim. “Kan sakhan cu kan ṭhialpiak kho hna lai lo, rallam an rak sial a si ahcun lehrulh cham dingah timhcia kan si,” ti in SSPP thawngthanhnak ah an thanh.
==Myaung peng le Yesagyo peng kar ah rallam sialtu SAC ralkap hna cu tualchung
hriamtlai phu hna nih June 9, zinglei ah a thli in an kah hna i, bomb zong an
puahhnawh hna caah SAC ralkap 15 an thi, tiah Myaung peng CDSOM phu sin in theih a si. SAC ralkap hna cu Yesagyo peng in Myaung peng an kal ah tualchung hriamtlai phu nih zinglei suimilam 6:00 hrawng ah a thli in an kah hna i, cu kahdohnak ah cun SAC ralkap 10 leng an thi tiah theih a si. Lampi i kah an ton caah SAC ralkap hna cu vaivuan in an tlizaam hna i, cuti an tlikzaam lio ah cun bomb puahhnawh an tong chap i SAC ralkap 5 hrawng an thi ṭhan tiah theih a si.
SAC ralkap lei nih hriamngan 60mm le 40mm cu pehtlai in an puah caah tualchung
hriamtlai phu lei pakhat nih hliamhma a tuar, tiah theih a si. Cu kahdohnak ah cun PDF Taloke, MGN Ranger, MGN Tiger, MGN 35, MGN 21,Shwe Oh (CDSOM) le Bu Gya Tit hna i fonh in, kahdohnak an tuah tiah theih a si. SAC ralkap hna nih cun Zayat Ni khuachung ah inn 2 an khangh i, Myaung peng Minhlah khuami pa 3 cu an tlaih hna, tiah theih a si. Cre-TCP