China nih Afghanistan a bawmh mi a tam tak tak. US a mualpho ngai

China tuah ding mi cu US tei khawhnak ding caah lam kawl a si ti kha China zong nih a rak chim tawn mi a si cang bantuk in a tu cu US tei khawhnak ding caah lam a kawl cuamah cang ko hi, Afghan ram hi China nih uk a tim lai tiah an rak chim cang mi cu atu a tlung cuamah cang., Mi tampi zum ning tein a tlung lengmang cang caah

US nih ni hin tian zei hman a tuah fawn lo caah political expert pawl zong an buai ngai. A hlei in Nikki Haley zong nih fiang cik cek in a rak chim cang kha.

China nih Afghan cozah thar, Taliban pawl tangka in a bawmh ding mi zat a vun langter cang, US -$31 million bak in Taliban cozah cu ka bawm lai tiah thawngthannak a tuah cang.

China nih Afghanistan bawmhnak ding caah 200 million yuan ($31 million) ti cu offical in thawngthanhnak a tuah cang. Mah a bawmh ding mi ah hin, ei ding mi le Covid sii kong zong a tel lai tiah a chim chap. Beijing nih Taliban cozah he thatein rian tuan ti ding in lam a kawl cuamah lio a si i, China embassy cu nihing tiang Afghanistan ah a um peng.

China nih Afghan cozah, Taliban cozah cu thatein a kal khawhnak ding caah rian tuan ti pi ding in bia a rak kam cang

A luan cia zarh ah Taliban cozah nih interim cabinet a rak phuan cang i, mah interim cabinet a phuan mi lak ah minung 4 cu US caah ral a si mi, Wanted list ah a tel cang mi an rak si.

Cucaah US nih Taliban cozah cu an cohlan lai lo tiah thawngthanhnak White House nih a tuah cawlh. Taliban pawl nih an duh ning ahcun mah Taliban Cozah hi Islamist Emirate ti a si lai. Natein mah bantuk in US nih a cohlan lo zong ah China nih Taliban hna cu rian tuan ti pi ding in ready ka si a ti cang caah

Taliban pawl caah cun zeihman lungreithei nak ding lam a um tuk lai lo tiah mi tampi nih an chim

US President Joe Biden nih a chim than ning ahcun Taliban cozah cohlan nak ding caah cun caan tampi a rau lai tiah a chim.

Natein China nih cun rianrang in Taliban pawl he rian tuan ti ding in lam a kawl cuamah lio a si than. Chinese Foreign Minister Wang Yi nih a chim ning ahcun, Taliban pawl cozah, Afghanistan innpa chakthlang a si mi, Pakistan, Iran, Tajikistan, Uzbekistan le Turkmenistan hna cu

Afghanistan ram bawmh ding in le Taliban cozah cohlan ding in biaruahnak a ngei pi cang hna

China state official nih a chim ning ahcun US nih  ‘Afghanistan a doh ni thawk in a chuah tak ni tiang, Afghan mipi nih harnak le buainak fakpi an tawn tiin a chim.

A chim chap mi cu, US nih Afghanistan ram kum 20 chung a uk lio ah khan, US ideology le value hna cu Afghanistan pawl lungput ah hram hram in chia a tim i, mah bantuk hram hram in thil a tuah mi kha textbook bantuk in example a tha tuk mi a si,

Ramdang a si mi, hram hram in an cungah nawlngei i tim i ruahnak thalo hram hram in ngei ter a tim nak lungput a si tiin  China foreign ministry bia phuantu Wang Wenbin nih a chim. Cre-RTK