China nih India le USA cu a phomh tak tak ko; China ralthat khohning hi cu!!

India le China buainak ruangah India ralkap 20 leng an thi, USA nih poi a ti ning a chim. May thla in President Trump le US officials pawl nih India cu bawmh na her ah cun kan nih bawmh lai an rak ti cang. United States secretary of state Mike Pompeo “India nih Galwan valley ah China he buainak ruangah ralkap minung 20 an thi mi cu poi a ti ning a chim. Mah bantuk in ram caah nunnak a pek mi le an chungkhar hna hi kan tuarpi ngai, kan philh hna lo tiin a chim

India le China nih ramri kongah buainak daiter ding in lam an kawl mi hi tha kan ti tiin State Department Spokesperson nih a chim. Cun White House Press Secretary Kayleigh McEnany nih Reporters Daily BriefingĀ  ah “President Trump nih India le China border kong thil a cang mi a thei dih, State Department Spokesperson nih an tuah ding mi an tuah.

June thla hramthawk ah Eliot Engel, the chairperson of the House foreign affairs committee ” India China border, Line of Actual Control ah China thil tuah mi hi a tha lo ngai, China nih International law hmang ah buainak daiter i timh loin innpa chakthlang a si mi sin ah buainak ser hi nuam a ti ngai tiah a chim

Nikhat zan (Monday) Galwan valley, India China ralkap karlakah buainak a um lio ah US State Department spokesperson a vun thlak cawlh ve. US bia chim mi cu “peaceful resolution” cohlan bantuk in an chim, natein India lei ah an dirkam ti philh khoh a si lo. An ram chungah Covid-19 buaipi ding mi a tam tuk lio ah ramdang buianak ah an nih thlak peng.

China-India border face-off thawk in Mike Pompeo le Eliot Engel, a senior Democratic congressional leader, nih China bullying bantuk in an kan puh. US nih India hi Western ram lei ah dirpi din in a sawm lio a si. The Trump Administration thawk in American First kal pi a si.

US strategic chessboard ah India cu a pawimawh bik mi a si, US nih hin China threats lakah India hi thil pakhat bantuk in hmang a tim peng. “largest democracy in the world” an tih mi New Delhi cu Washington bugnrua pakhat bantuk a si peng. India hi US caah cun Indo-Pacific region ah China dohnak ding caah bungrua tha tuk mi a si, US interests, lawng ah hmang a si, US nih mah bantuk in chess a cel mi hi a tlamtling lai lo. Source-The Global Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah leĀ  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China nih India le USA cu a phomh tak tak ko; China ralthat khohning hi cu!!"

Leave a comment

Your email address will not be published.


*