Vawlei cungah a thawngbik mi ram US le China kong tial lo ahcun News hi a tling kho lo an ti tawn mi a si, Aruang cu US le China hi meheh le uico bantuk an si, an thil tuah mi poah ah i soisel le thangchiat lawngte a si i, China nih US a tei khawhnak ding caah lamkip ah heh tiah a zuam cuamah lio a si caah, mah hi
US nih fiangtein a thei ve caah China nih a tei lonak ding caah a lam kip in China a phomh ve peng mi a si
China’s State Run global Times nih a tial ning ahcun, Biden Administration kumkhat an rian tuan ning kan zoh tikah an sungh cik cek tiin a chim.
Wuhan Coronavirus chimtlak an si lo, ceilak in an sungh, Joe Biden a rak chim ning bantuk in zeihman a tuah khawh lo, Atu Omicron a vun chuak than i, Joe Biden adminin nih 500 million Covid testnak ding caah phawt a tim, mah bantuk rian tuan ning hi cu ningzah a si, atu mah bantuk in thil tuah an nih tim mi hi cu a tlaih tuk cang tiin
Joe Biden a rian a tei lo ning kongah heh tiah a phomh. Yang Zhanqiu, Atu wuhan University Department ah
Pathogen biology rian atuan lio mi nih a chim ning ahcun, Rapid Test phawt i mipi nih test tuah thluamah hi
zawtnak khamhnak caah a si lo, Zawtnak khamhnak tak tak cu, A dam lo mi kha thatein zohkhen i, home quarantine chia i, a herh ahcun lockdown tuah mi lawng nih a tu Covid zawtnak hi tei khawh a si tiin a chim. Lu Xiang, US ram ah studies a tuah mi, Atu Covid kongah thil sining a thei ngai mi nih Global Times sin ah a chim ning ahcun,
atu Joe Biden nih Covid le omicron tei khawhnak ding caah lam a kawl mi hi zeihman thil tha a chuahpi lai lo tiin a chim.
Covid tei khawhnak ding ca strict ngai in phunglam zulh a hau, amah Joe Biden lilah hman nih fawi tuk mi
phunglam hman a zulh khawh lo i, Mipi tamnak ah Mask hman hmang a philh lengmang mi cu zeitin Covid cu a tei khawh lai tiin a chim. Mah lawng si loin, Atu Covid ruangah US buaining cu theih dih a si ko, Joe Biden kumkhat a rian tuannak ah US nih harnak le buainak an tawn ning a zual tuk cang,
Atu US ram chungah ceilak in thil man a kai i, Thil man a kai ning cu a ti tuk cang, Mah lawng si loin
President Joe Biden approval rating cu a tum tuk caah Joe Biden kumkhat President rian mi kan zoh lengmang tikah Joe Biden hi president tha si lo, a kumkhat president rian a tuan mi cu a sungh cik cek tiin global Times nih a chim. Cred-Breitbart