China nih National Security Law (upadir) a sernak kongah vawlei cung nih USA an zoh bantuk in USA nih China cu phomh cang

China nih National Security Law upadir a sernak kongah vawlei cung nih USA an zoh bantuk in USA nih China cu phomh cang. China Hong Kong National Security Law cu pawm/cohlan a si cang. Mah kongah hin ram tampi cu an holh ngam lo. Mah bantuk in China nih Hong Kong cungah thil a tuah ruangah vawlei cung ramkip nih USA an zoh cang i, USA nih zeidah a chim lai, zeitindah China cungah a tuah lai ti longte an zoh cang.

USA nih China cu, Sino-British Joint Declaration cu zumawktlak tein zulh ding in China cu a ti cang. Mah kongah hi UN ah zong chuapi ding in timtuahnak ngei a si cang. UK, Australia & Canada zong nih China thil tuah mi cu an duh lo, natein fakpi in an chim ngam lo.  The European Union, four-country statement ah a tel lo mi ram pawl nih US, UK, Australia & Japan he Hong Kong dirhmun cu China sin ah chim an nih tim.

UK Foreign Secretary Dominic Raab, Australian Foreign Minister Marise Payne & François-Philippe Champagne, Canada’s foreign minister” China nih Hong Kong national security law hmang a tim mi hi UN-registered Sino-British Joint Declaration, an buar tinak a si, Hong Kong caah fakpi in rian kan ttuan lai “1997 ah British nih China sin ah Hong Kong a pek than ah khan 1984 ah UK Prime Minister Margaret Thatcher & Chinese premier Zhao Ziyang nih i remnak an ttial mi kha a dawng cang an ti

Hong Kong ah hin kum 18 tanglei hi hngakchia an si tiah record  a si. China national anthem cu nihsawh ruangah le National security law, hmang duh lo ruangah mi 396 an tlaih cang. Mah an tlaih mi lakah hin a cheu cu siang hngakchia an si. Nithum ni le Nili ni ah mi tampi an tlaih hna. Wan Chai, Causeway Bay, Sham Shui Po, Mong Kok, Kwai Chung, Tsuen Wan, Tai Po & Yuen Long district ah mipi tampi cu China thil tuah mi duhlonak langternak ding caah lengah an chuak, secondary schools hngakchia 180 tlaih an si. Kum 12-70 minung 234 cu pa an si i, 162 cu nu an si. Source-Economictimes

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor