China nih Russia a dirpi lai ti cu fiangtein thei ciami le zum ciami a si, Atu cu zum ning bantuk in thil sining a vun fiang chin lengmang cang. Chinese President Xi Jinping zong a vun holh ve cang i, Russia Ukraine invasion ah Western pawl nih Russia cu heh tiah sanctions an tuah mi cu tha a ti lo i, mah bantuk ram pakhat cungah sanction tuah mi nih thil tha zeihman a chuahpi lai lo tiin
Western Union le US cu fakpi in a soisel hna. A hram thawk in, western pawl nih Russia sanction an tuah mi hi
China nih a rak doh ngai mi a si i Wester pawl thil tuah ning cu China nih a duh lo ngai.
Video speech, Annual Boao Forum for Asia, southern Chinese island of Hain’ ah China nih a chim mi cu, mah bantuk in Sanctions hmangin ramdang heh tiah dantat a si mi nih hin thil thazeihman a chuahpi lai lo tiin a chim. Mah bantuk in ramdang cungah thil tuah mi nih hin zeihman thil tha a chuahpi mi a um lo hlei ah ram pakhat le pakhat hawikom si khawhnak lam a hrawh tu a si tiin a chim
China nih cun kan ram economy cu thaazang a thawn chin lengmang nak ding caah le ramdang nak in
kan thawn chin lengmang khawhnak ding caah heh tiah kan nih zuam lengmang lai tiah a chim.
Russia nih Ukraine cu ni 56 a tuk cang, nihin ah Russia nih ralkap nih Mariupol Azostval steel plant an lak khawh cang, Natein, UN General Secretary nih ni 4 chung Humanitarian pause ngei khawhnak ding caah Zelinsky le Putin Orthodox Christian le Easter Sunday nih ram hruaitu pahnih sin ah nawlhnak an tuah, The Kremlin spokesman Peskov nih a chim ning ahcun Western a hlei in UN lei nih Ukraine invasion
ngei hnuah voihkhat hman an kan chawn bal lo tiah a chim hnuah UN nih Russia cu a chawn cawlh.
Zeidah a cang lengmang te lai ti cu vawleicung ram hruaitu pawl nih an zoh cuamah lio a si. Cred-RTK
kawlram thawngpang….A luancia ni tlawmpal ah Matupi in SAC ralkap nih umhmun an khuarnak Thaeboi khua lei ah SAC ralkap an umkal caah Matupi le Thaeboi khua karlak ah a um mi khua hna cu ramlak ah an zaamnak zarhkhat a si cang nain khuachung ah an kir ngam rih hna lo, tiah theih a si. Cheukhat khua ah cun SAC ralkap nih inn an baoh, thilri an hrawh, an fir cun an facang zong an khanghpiak hna.
SAC ralkap nih hmunhma zohfelnak an tuah lai, tiah thawngpang a than caah Matupi pengchung
um mipi hna cu a herh tikah a rannak zaam kho ding in timhtuahnak an ngei cia hna, tiah theih a si.
Matupi khuachung um mipi hna zong khualeng chuahnak nawl an ngeih lo caah, eiding kong ah harnak an tong. Matupi khuachung facang luhnak cu byu-ha-hmu nih a phihkhamnak thlahnih hrawng a si cang caah facang man zong a kai i, a rauh hlan ah khuachung ei ding a cat sual lai, ti in tualchung mi thinphang in an um. Nihin April 21, Matupi khuachung ah aa chok mi mipi hna cu
Covid raikhamsi an i chunh le chunh lo cheknak an tuah, tiah tualchung mi nih an chim.
SAC Nih Nawlngeihnak a Laak Hnu Ni 444 Chung Ah Thah A Tong Mi 1779 An Si Cang!: AAPP nih April 20 tiang thawng a thanh ning ah Myanmar ram pumpi SAC nih uknak a laak hnu ni 444 chung ah SAC ralkap nih civil mi 1779 an thah cang cang tiah theih a si. Tlaih a tong mi 13,315 tiang an si cang i tlaih ding in nawl chuah mi 1977 an si. SAC ralkap nih an thah mi hna hi Yangon ah a tam bik an si. Cre-TCP