China nih a tuah ding mi cu US duh lo ning lawngte in a si lai ti kha cu a fiang ko, Natein a tu bantuk in Russia nih Ukraine a tuk i, mi tampi an thi cang i, mah bantuk raltuk he pehtlaih mi kong ahcun China nih Russia le Russia hawikom ram cu hriamnam tha tha in a bawmh lai ti cu an zum ve lo, US zong nih China sin ah heh tiah a rak tlerh cang i, Russia na bawmh ahcun fakpi in hrem na si lai tiin a tlerh peng.
Natein China nih US biachim mi cu zei ah a rel piak hna lo i, China nih Russia hawikom tha tuk mi
Serbia sin ah hriamnam tha tuk mi cu a bawmh cang. China nih Russia hawikom tha tuk mi Serbia
Anti-Aircraft a bawmhmi cu Serbia nih tlamtling tein an hmuh cang. Atu hi Beijing influence Europe ram ah China cawlhcang ning hmuh ding mi a tam chin lengmang cang, Belgrade zong Russia le China bawmhnak thawngin hriamnam tha tha a ngei chin lengmang cang. Mah bantuk in Russia hawikom tha tuk mi a si mi Serbia ram sin ah China nih hriamnam tha tuk mi a
bawmhmi cu US caah cun zoh sawhsawh ding a si lo tiin expert pawl nih an chim cang.
Media & military experts pawl nih a langter ning ahcun, Sunday ah Chinese Air Force Y-20 transport planes 6 cu,
Belgrade’s civilian airpor phan pi a si cang i, Mah bantuk in HQ-22 surface-to-air missile systems – Serbian military caah China nih a pek mi cu US le West ram pawl acaah thawngchia ngai a si, China nih mah bantuk hriamnam tha a bawmh mi ruang hi thei a si lo, china nih zeiruangah dah mah bantuk hriamnam tha hi Russia hawikom tha tuk mi sin ah a bawmh ti hi West pawl le
US nih an thei duh ngai mi a si i, Russia bawmh a timnak a si ko lai tiah an luntha lo ngai tiin a langter. Cred-RTK
Kawlram lei thawngpang…..Yangon-Mandalay motor lampi ah SAC ralkap motor 2 cu Bago ramṭhen
PDF nih bomb an puah hna, cu bomb puahnak ah cun SAC ralkap 3 an thi, tiah Bago ramṭhen PDF ṭuanvongeitu sin in theih a si. Tongmangno(bu-hmu) nih zulhmi SAC ralkap motor cu Yangon-Mandalay lampi mengtung 50/2 ah Yangon lei in a ra mi SAC ralkap motor 2 cu Bago pengkomh PDF battalion 1, tat-khuai 2 nih nihin April 12 zinglei suimilam 5:00 hrawng ah bomb puahhnawh in an doh hna,
tiah ramṭhen ṭuanvolatu PDF nih a chim. “Kanmah lei nih a hlankan tein kan bawh hna i kan doh hna i,
a hmaisa mi motor cu bomh nih a khen caah minung 2 an thi i, midang pakhat cu fak ngai in hliamh a si
lengah hliam tlawmpal a tuar mi zong an um,” tiah a chim chap. Nihin April 12 chunhnu suimilam 3:30 hrawng ah Bago ramṭhen PDF battalion 1 nih DaitOo(ဒိုက်ဦး) peng Myomah dawr hmai ah tuah mi SAC ralkap titoih puai tuahnak ah bomb an puah, tiah a chim chap. “Kan umkal tikah SAC ralkap motor ruun hna he i hlat in um ding a si,” tiah mipi sinah Bogo ramṭhen PDF nih cun nawlnak an tuah i, mipi hliamh an si
sual lai phan ruangah kahdohnak an hrial tawn mi zong a um, tiah PDF chimphuannak nawlngeitu nih a chim.
==A thar in kahdohnak a fahnak hmun Laykekaw khuathar ah SAC vanlawng nih mi aa palh sual
ruangah anmah lei tu bomb a thlak hna i, a thi mi an tam, tiah KNLA phufonh nih an chim. Kahdohnak ni zeimawzat a dai cang mi Laykekaw khuathar ah April 10 zinglei tuan nawn ah SAC ralkap cu rallam hmunhnih ah sial in an luh ruangah KNLA phufonh he an i kap. SAC ralkap 30 leng an thi i an ruak cu nihin tiang an char rih hna lo, tiah KNLA phufonh nih an chim.
SAC ralkap brigade 44 in captain pakhat tlaih a si i, hriamthil zeimawzat zong an lak, tiah theih a si.
SAC ralkap a thi le hliam tuar an tam caah vanlawng nih kah a bomh hna i bomb zong a thlak.
Vanlawng nih bomb thlak aa palh i SAC ralkap tam tuk an thi nain a thi mi zat cu fiang in theih a si lo. “Phayakung pawng ah bomb a tla i a pawng kam ah hliam tuar mi palik an an um. Kahdohnak a chuah lio a si caah an ruak an char kho hna lo. A cheu cu an pum an i thencheu i, cheukhat cu mei nih a kangh hna,” tiah an chim. KNLA ralkap pakhat nih a chim.
“SAC vanlawng nih Bomb a thlak hi zanlei sang ah a si i, bomb a tlaknak hmun cu a hmuitler ngai.
Chemical sii aa tel ti kan theih colh. Ti ah hnim mi thilri ciar in kan hnar kan i huh. Bomb khu aa hamh mi le aa dawp sual mi cu an ri i an luak zong a chuak,” tiah KNLA lei nih an chim. December 15 khan SAC ralkap le KNLA cu an i doh lengmang caan karlak kahdohnak a daih hnu ah April 11 ah fak ngai in an i kap ṭhan. Kahdohnak a chuah ruangah tualchung mi hna cu Thailand-Myanmar ramri Tawngyin(သောင်းရင်း) tiva kam le a himnak hmun ah an zaam hna i, atu tiang an chuah khua ah an kir kho rih hna lo. Cre-TCP