China nih US lehnak a tuah cang, a linsa tuk cang ko

South China sea ah US le China an buai ning cu voih tampi tial a si cang, Taiwan kongah US le China an buai ning zong tial lengmang a si. China nih Taiwan a tuk ahcun US nih Taiwan ka bawmh lai tiah a chim, US nih mah bantuk in a chim hnuah Australia zong nih US le Taiwn ka bawmh lai tiin a vun chim ve.

Mah bantuk in Australia nih a chim hnuah China nih Australia cu na tuah ding mi pakhat hman um lo daitein um ko tiin a tlerh cawlh kha

Atu cu China top official nih US ralrinnak a vun pek than i, Taiwan kongah US chim ding mi pakhat hman a ngeih lo,

daitein um ko seh tiih US cu warning a pek i, Taiwan kongah ramdang a thlak mi poah cu Beijing nih a zoh sawh sawh lai lo, a fak bik mi hmangin an cungah a tuah lai tiin a chim. Reuter nih report a langter ning ahcun,

Chinese Defense Ministry ah biachimnak nawlngeihtu Wu Qian nih Taiwan kongah mah bantuk in a linsa mi hi US thiam lo ruangah a si,

US nih a tuah lo ding mi ah a thlak lengmang caah mah bantuk in a linsa mi hi a si tiin US cu  a mawhchiat ngai Cre-Foxnews

Laitlang lei thawngpang….Hakha ah, hliam tuarmi ca ah timi min hmang in bawmhhal a vaak mi an um. Chin Ramkulh, Hakha khuapi chung ah pumpak hlawknak ca ah SAC ralhrang kahnak in hliam a tuarmi ca ah tiin

dawr zeimawzat ah Thantlang Peng, Khuahringtlang Tlangkhua khuami pakhat nih tangka hal in a vaak tiah thawng kan theih.

Hi kong he pehtlai in tangka a hal hna nak dawr ngeitu min langhter duh lo pakhat nih, “Tuzing November 25 ahkhan kan dawr ah ra in, “SAC ralhrang nih kan naupa an kah i a taang ah an khen. Aizawl lenhpi a hau ca ah kan pu le nih bawmhnak va hal uh,” tiah an kan ti.

Kan zumh ve lo ca ah nan pu cu a min hodah a si tiah kan hal i a chim duh lo,” tiah a chim. Bawmhnak a hal ahhin theihpinak catlap zong a ngei lo. Phone number le seal zong a ngei lo.

Tangka haltu pa nih a chim ning ahcun an khua hi Tlangkhua a si a ti nain The Hakha Post nih kan fehter kho rih lo. Tangka hal a tongmi dawr hna nih a mui an chim ning ahcun, “Nu dok pa dok phun a si,” Cun, mino ca ah timi min zong a bunh i tangka a halnak kong hi hohmanh chim hlah uh tiah a chimh hna tiah kan theih. Cre-THP