China hi a ral a tha chin lengmang ko ee, Russia he hawikom tha tukmi an si cang caah si lai, atu hi China nih US cu ralrinnak faktuk in a pek cang. Beijing nih US sin ah a chimmi cu, Taiwan pawng hrawng ah Air Exercise kan tuahmi hi Washington warning kan pek duh ruangah a si tiin an chim. China nih Military drill Taiwan off coast ah kan ngei tawnmi hi a tak tak a si i, zeibantuk dirhmun ah a dirmi kan si,
kan si ning hi zeibantuk in dah a thawn ti kan thei duhnak caah a si tiin a chim.
Eastern Theater Command of the Chinese People’s Liberation Army hna hi zeitik caan poah
kan i ready peng ko, Ready tein kan um peng, Taiwan sea & airspace ah tuah khawh lomi kan ngeimi a um lo, Washington nih hin Taipei hi independence ram tak tak si ding in forh ti hla se tiin Colonel Shi Yi, a spokesman for the military command nih a chim. Nai ah China video a leakout i, Taiwan tuk an nih tim ning kong a si, atu mah bantuk in China nih US ralrinnak a vun pek hoi cang caah US nih zeibantuk in a let lai ti zoh si cang. US President Jeo Biden nih fiang cik cek in a chim cang i, China nih Taiwan a tuk
ahcun, US ralkap nih Taiwan kan bomlai tiin Asia Trip a ngeihnak ah fiang tein a chim kha. China nih
Taiwan a tuk ahcun US le China cu an nih thuat tinak a si cang lai caah atu hi vawleicung ram tampi cu lungreithei tuk in an um cang ko. Cre-RTK
Kawlram thawngpang… Chin ramkulh, Tedim peng, Saizen khuami mino 2 cu 21 Biangreithlep ah ram an vaihnak in an tlunpah ah ralhrang he an i tong i an tlaih hna hnu ah an thah hna tiah theih a si.
Ralhrang nih an tlaih hna hnu ah an thahmi hna hi Pa Pau Za Maung (kum 21) le Tg. Pau Suan Thang (kum 29) hna an si. An ruak cu 25 Biangreithlep tiang ah chungkhar sinah ralhrang nih an pe/hlam ter
rih hna lo. Saizen khua cu Tedim in meng 5 aa hlatnak nitlak thlanglei ah a ummi khua a si.
===Kaya ram ah kahdoh nak a zual ban tuk in furtlak lei sang ralzam pawl ca ah aherh bau mi
a tam chin chin. Kaya( Kayinni)ram chung ah kan hnu zarh tiang khan SAC le nipi rungveng tu phu hna kar ah kahdoh nak pehtlai in neih asi i kap hnih in thi le hliam an um nak cu KNDF Ca thanh nak in theih asi. Kan hnu may-23 Ni i Nanphe khuate chung i kahdoh nak ah SAC le mipi ralkap phu asi mi hna KA၊ KNDF B-16/ KNDF B-02၊ KPDFkar cu fak ngai in an ni kap hna i ralhrang (10) leng an thih
pin ah an motor -1 an hrawh piak hna nak kong KNDF BO 16 nih ca thanh an rak chuah.
Mah hi zarh chung thiam thiam ah hin SAC motor 30 in Bawlakhe khua lei ah an rak tum
cu mipi ral kap hna nih ralthli in an rak kah pah leng mang hna i kahdoh nak hi peh tlai in achuak ti khawh asi tiah KNDF BO 16 lei lutlai nih cun a chim. Hi kahdih nak chung ah KNDF BO 2 chung tel ralkap (1) hriam ngan nih hliam in a nun nak a liam tiah ca thanh ah cun an langh ter chih. Cu pin ah SAC hna nih Nanphe khuate chung um mipi inn -3 le thing တန်-20 hna cu mei in an khangh tiah cathanh ah cun an chuah chih. Kaphinh kahdoh nak ruang ah ral azam mi an i chap len nak
Kaya ram chung ah tu ban tuk ruh ti tam ai thawk sin hin Eidin le Sii ai hna pin ah an thutdir
nak hmun ca ah Tipuan (မိုးကာ)hna an herh nak kawng ralzam lei nih an chim nak cu theih asi.
===KNU/KNLA/Peace Council chairman cu SAC ralkap he remnak tuah ding in Naypyidaw phan. Tlangcung hriamtlai lak ah Kayin hriamtlai a si mi KNU/KNLA Peace Council chairman le aho pawl cu SAC ralkap he ramdaihnak minsenthut awk ah Naypyidaw an phan cang tiah theih a si. KNLA/PC hi chairman Major General Saw Htay Maung nih a hruaimi an si i, Kum 2015 lio zongah khan Nationwide Ceasefire Agreement (NCA) minthu tu an si. Tutan zongah SAC chairman Min Aung Hlaing nih tlangcung hriamtlai phu hna he kahdaihnak minsenthut ka duh a ti hnu tlangcung hriamtlai minsenthu mi lak ah a pathumnak a si. Tlangcung
hriamtlai phu minsen a thu cang mi hna cu Shan ram hriamtlai phu RCSS le Mon ram hriamtlai phu NMSP an si.
Tutan ah NCA minsen a thu mi KNLA/PC hi SAC ralkap he ai kap bal mi phu an si, an nih hi KNU le KNLA tangah Battalion 7 dirhmun in a um mi a si. Asinain aho deuh hmanh nih a bawmh mi phu an si lo. Tutiang SAC he kahdaihnak minsen a thu tu tlangcung hriamtlai hna hi SAC ralkap he voikhat hmanh ai kaap bal lo mi deuh lawng te an si hna. Cu hna pawl he kahdaihnak tuah cu zei ngaingai umzia a ngei lai lo tiah ramkhel thiamsang hna nih an chim