China nih US Senator Josh Hawley dantatnak kan pek lai a ti mi cu, Josh nih ceilak in China a phomh tthan

US le China kong ttial ah cun buainak lawngte si , USA le China karlakah thawngtha thei ding le ttial ding pakhat hman a um lo, a ruang cu USA le China nih vawlei cung ah super power si ding in fakpi in hriamnam lei ah si seh, Economy lei ah si seh keimah a ti ve ve mi an si caah an karah thawngpang tha ttial ding a um lo

US State of Missouri nih Coronavirus kongah, China lakah lawsuit an file mi kongah atu tiang China le Senator pawl cu fakpi in an nih phomh peng ko. State of Missouri aiawh in lawsuit file tu kha Josh Hawley, Republican Senator, Missouri State mi a si. China ram caah bia chimtu tiah thei mi “The Global Times” ah China nih Josh Hawley cu fakpi in a vun phomh i, Coronavirus kongah mah le pumpak miaknak caah hmang i tim lo ding tiin JOsh cu fakpi in a vun soisel /thangchiat. Cun China nih an mah pumpak cungah dantatnak kan tuah khawh lo zongah China ram chungah an chungkhar tampi rianttuantu an um. US Companies tampi zong a um. Mah pawl cungah fakpi in dantatnak kan tuah khawh tiin a ttial

Mah bantuk in China nih Senator Josh Hawley, Republican a ti caah, Josh nih China bia chim mi cu mah ti hin a leh cawlh, mah bantuk in China nih bia a chim mi kha ‘ zohchuntlak/ i upatnak/ midang cungah a um ti langternak (Badge of Honour) bantuk in cohlan piak ding. Chinese State media nih keimah pumpak mah bantuk in a ka soisel le a ka tler i, cun Missouri zong a tler chi. Beijing nih hin a fak khawh chungin a ka tler zong ah zei ah ka rel piak lo ttin a leh cawlh.

Chinese foreign ministry Spokesman Zhoa Lijian nih nih a chim ning ah cun USA nih ramdang cungah sual kawl peng lo in, Missouri”s Attorney General Eric Schmitt ah Countermeasure an ngei lai tiah a chim. Natein zeibantuk dantatnak a si lai ti cu fiangtein an chim lo

Missouri’s hi China Expert pawl he rian tuanti tu pathumnak a si. Canada le Mixico hi pakhatnak le panihnak an si. 2018 Missouri’s Export to China nih 12900 hrawng American jobs a ser khawh. Source- South Chinese Morning Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "China nih US Senator Josh Hawley dantatnak kan pek lai a ti mi cu, Josh nih ceilak in China a phomh tthan"

Leave a comment

Your email address will not be published.


*