China nih USA cu kan tih naisai lo tiin; USA a lehrul cang ko. An buai chin lengmang

Tu lio thawngpang kan thei tambik le kan rel tambik cu USA le China kong hi a si lai. A ruang cu USA le China hi vawlei cung ah ram thawngbik an si caah si. US tei ding in China nih fakpi in rian a rak ttuan cang i, kum 2049 ah USA cu tei hrim hrim ding in lam a kawl.

China nih United State sin ah China ram khualipi Chengdu ah US Consulate cu khar ding in a thei ter ve cang. Mah hi USA nih Houston ah China consulate kharding in ati hnuah China nih phuhlamnak ding caah a tuah ve mi a si

Chinese Foreign Ministry nih mah bantuk in Washington nih biakhianak dik lo tuk mi an tuah mi cu letthan ding in a thei ter cawlh.

Trump cozah nih Chinese Consulate Houston cu America thiamnak le security lei ah thil tampi fir an nih tim tiah a puh caah suimilam 72 chung in USA chuahtak ding in theiternak a pek. Mah kongah hin China cozah cu a lungtling kho hrim lo i, mah bantuk in USA nih biakhianak a tuah mi hi letthan ding in a thei ter cawlh.

Trump admin nih alangter ning ah cun Chinese consulate, Houston nih hin  Texas A&M medical system zong fir an nih tim tiah a chim. Cun thil dang dang, security he pehtlaihnak a ngei mi tampi fir an nih tim caah USA ram chungah mah Chinese consulate rian ttuantu pawl hna hi um a duh ti lo nak cu a si

United States nih hin Embassy office Beijing ah a ngei i, cun Consulates hi China ram khualipi panga dang — Shanghai, Guangzhou, Chengdu, Shenyang le Wuhan ah angei chap. Mah lawng si loin Consulate hi Hong Kong, Chinese territory ah zong angei. Source : The Times of India

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor