Russia nih Ukraine a tuk mi kongah ramdang, a hlei in NATO nih Ukraine cu heh tiah an bawmh. Russia zong a thliin a dirkam mi an um lengmang ve ko, UN ah Russia a dirkam mi an um ve caah UN zong nih zeihman Russia cungah dantatnak a tuah kho hlei lo. Atu cu Vawleicung ah ram thawngbik pahnihnak China zong nih heh tiah bia le hla a vun ngei thluamah ve cang. Zahan ah China nih
Germany ralrinnak a pek mi ka vun tial can. Atu cu China nih NATO le US cu a vun thuat than cang
Reuters reports nih a langter ning ahcun, China President Xi Jiping le France President Emmanuel Macron cu
Ukraine invasion ah an ruahning a dang ngai. Chinese President Ji Xiping nih a chim mi cu, Hi bantuk in blocs bantuk in i dohnak nih hin zeihman thil tha a chuahpi mi a um bal lo, Vawleicung daihnak le ramnak a hrawh chin lengmang tu a si. European countries pawl nih hin Diplomacy hi tha tein hmang hna seh, United States a duh ning tein an kalding a si ti lo
“cold war mentality”, kha kan hlawt a hauh cang” tiin a chim. Cre-RTK
=Laitlang lei thawngpang Raltuknak a fah lioah, Chin ramkulh, Paletwa khuapi chungah
a rak zaammi khuate mi hna cu kahdohnak a daih pah cang caah SAC nawlpeknak in khuate lei ah an kir cang hna tiah ralzaam camp committee chungtel pakhat nih a chim. Asinain, khuate lei ah a kir than cangmi hna caah khua dirh thannak kong he pehtlai in harnak an tong tiah theih a si.
Rakhine hriamtlai Arakan Army (AA) le kawl ralkap kahdohnak ruangah, Paletwa khuapi
chungah a rak zaammi hna cu kahdohnak a daih ruangah an umnak hmun lei ah an kir
than cang tiah Paletwa peng ralzaam le kokek bawmhnak phu chungtel pakhat nih VOA ah a chim. “A tu cu Paletwa hmunhma lei in kan zoh a si ahcun a him cang ko. Inn kir ka duh cang ko. A tu hi peng cozah program in a si i ralzaam pawl mah le umnak hmun a panh cangmi hi chungkhar 162 an si. A minung in cun 800 leng an si lai. Rimawa, Tummawa, Tanseik le Ohmelewa khua 4 hna hi an si.
Kan hnu kum ah a kir cangmi khua 9 he cun milu 2,500 leng an si cang lai. A kir rih lomi hi
chungkhar 800 hrawng an taang rih lai i a milu in 2,000 hrawng an si lai. Ralzaam pawl an
umnak hmun an kir than khawhnak hnga SAC nih a tawlrelpiak hna tiah Paletwa peng ralzaam bawmtu phu in riantlaitu pakhat nih a chim. Paletwa khuapi chungah a ummi ralzaam camp Seinwin, Ngapui, Siphala, Bawngwa, Ohthemawa, Ohmelewa, Tanseik, Tunmawa, Rimawa, khuate in mipi hna cu 2021 October thla chungah umnak hmun a kir thanmi 25,000 leng an rak si cang lai.
Umnak hmun a kir cangmi hna nih tukum cu tlanglo riantuan an i harh lai tiah ralzaam lei
bawmtu phu chungtel pakhat nih a chim. A tu ralzaam pawl hi, 2015-2020 tiangah AA le Kawl ralkap
karlak kahdohnak ruangah a zaammi pawl an si. 2021 ah kahdohnak a dai pahmi dirhmun ruangah an kir than hi a si. Kahdohnak ruangah kum 2 leng khua a rak zaamtak i a kir thanmi pakhat nih “Cheukhat umnak hmun a kir thanmi hna cu Melewa, Sein khuate hna hi an kir. Khua an kir tikah an inn an remh. Cun, eidin lei zong an tlamtlimg lo. Riantuannak caah caw zong an ngei lo,
an caw pawl zong a dih dih cang. Caw, vok, ar hna zong an um ti lo. Pa pawl caah rian a um lo.
Eidin hi cu an har bak ko. Paletwa peng ralzaam cheukhat an umnak hmun an kir than
cang ko nain, Paletwa khuapi le Sami khua ah ralzaam a thong leng an taang rih ko. Kawl ralkap le AA karlak buainak ruangah Rakhine ram he aa pehtlaimi Paletwa peng ah raltuknak lei buainak a um peng rih. AA an umnak hmun pawl ah ralkap nih kahdohnak a tuah i mipi ral in kahdohnak tuah pawl hna a um rih. A luancia 2020 March thla ah Paletwa peng Pyin le Meihsawa khuate hna ah
Kawl ralkap nih vanlawng hmang in kahdohnak a tuah ruangah sianginn a rak kaang i mipi a thimi an rak um.
Paletwa peng, khuate 3 ah vanlawng hmang in kahdohnak ruangah, Chinmi 11 an rak thi cang. A tubantuk kaphnih kar kahdohnak ruangah, khuami tinh hramhram in kahdohnak a um caah khuami tampi Paletwa khuapi chungah an rak zaaam hi a si. Ralzaam pawl hna hi World Food Program nih an herhmi facang, chiti, cite, pe le vitamin a ummi changreu pawl an bawmh hna tiah bawmhchannak rianngeitu nih a chim. Paletwa peng ah kahdohnak a dai nain Mindat peng ah kahdohnak a fah lio a si. Ref: VOA