China saduhthanak cu a tlamtling kho ti lo; US le Germany nih UN Council ah ceilak in an an phih piak

China coronavirus ruangah mah bantuk in vawlei cung ramkip ah buainak a chuapi tu China nih buainak dang dang a tuah thluamah lio a si.

European Union nih fakpi in China thil tuah ning le Hong Kong ram chungah upadi thar a ser mi kongah buainak an ngei

UK he fakpi in Hong Kong ruangah buainak an ngei, Australia he Trade War ruangah buainak fakpi an ngei lio a si. Huwai CEO cu Canada nih an tlaih. South China sea ah Japan, Philipine, Singapore, Taiwan he buainak fakpi an ngei lio a fawn. Chaina hi vawlei cungah ram thawngbik “Super power” si a tim ti cu mah page ah hin ka ttial cang

India he fakpi in Ladakh ah buainak an ngei lio si fawn. Tu hi India he an buainak cu thlahnih hrawng a si cang, tu tiang zeihman dainak an ser khawh lo. I tuk ding in timcia in an um ve ve cang.

Mah bantuk in India le South China Sea ah buainak fakpi in a tuah caah ramdang vialte nih China cu hawikam caah an duh ti lo. China a dirkam mi ram pahnih cu Pakistan le Nepal an si.

Karachi Stock Exchange terrorist attack June 29 mi kong ah, Pakistan nih India a puh. Mah kongah China nih United Nation Security Council ah India cu dantat ding in a chuapi.

Natein  Germany le US nih Anti India move an cohlan duh bak ko, China nih zeihman a tuah kho ti lo, China le Pakistan saduhthanak cu US le Germany nih ceilak in an phih piak. Credit-Times Of India

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor