Joe Biden President a vun tuan bak in US ramcu muinak khur ah kan lut ti bantuk in kan um cang, thil man akai tuk i, Russia nih Ukraine a tuk, rian a tlawm i, zei poah hi a har cang. America minung 5 lakah pakhat lawng nih Joe Biden hi kum 2024 ah president caah a cuh than ahcun ka vote lai tiin a duhmi an tlawm chin lengmang cang tiin Yahoo News/YouGov survey nih a langter. Atu hi Joe Biden cu mipi nih
an duh lo chin lengmang i, mipi dirkamnak Joe Biden nih a hmuh tlawm chin lengmang cang i,
atu hi US ram ah Joe Biden nih approval rating hi 18% lawng a si tiin survey nih a langter. Cre-Breitbart
Kawlram thawngpang….Chin ramkulh, Matupi khuapi SAC ralkap camp chungah um mi pa pakhat cu July 15 ah meithal kahnak in a nunnak a liam. Pha Naing khua le HtiSaung khua karlak lam hmun pakhat ah kahthah a tong i a ruak cu Matupi Siizung pi ah an kalpi tiah khuami hna nih an chim.” A thimi Pa hi a hlan ah Matupi le Rezua lamphah nak ah rian a rak tuan mi a si. Covid a chuak i Matupi um lam riantuan
hna cu an khua ah an tlung dih .A nih hi tlun lo in Ralkap camp chungah a um. SAC ralkap nih an fialmi
rian paoh a tuah. A tu zongah khuami hna cu hartuk in an um an tlunkal lio ah cycle in Zu (BE) a phurh
i a duh poh in a tlungkal. Cun Matupi lampi cungah SAC ralkap chuahmi ca a benh ” tiah khuami pakhat nih a chim. A ruak cu Matupi Biaknak upa hna nih mawtaw in an lak i siizung ah hlai ding a si tiah theih a si. A mah cu kum 30 hrawng a si. Matupi SAC ralkap camp chung ah khuadang in rian a rak tuan mi cheukhat le thilzuar mi cheukhat an um tiah khuami hna sin in theih a si.
=Magwe ramțhen, Gangaw peng nitlaklei ah SAC ralkap le mizapi vengtu ralkap karlak kahdohnak
a chuak i mizapi vengtu ralkap pahnih an nunnak a liam tiah YDF nih cathanh an chuah.
July 14 zinglei ah SAC ralkap nih Gangaw nitlaklei ah thazaang 60 , mawtaw 2 in ral lam an sial i Tilak le TaungPin khua lampial karlak ah YDF he an i kap. Cu kahdohnak cu YDF Battalion 5, tat- khuai – 1 in mipi ralkap pakhat bomb a luahnak ah a chuahsual i an nunnak a liam. Battalion 5 tat khuai 5 in ralkap pakhat hriamnam a lak lio ah SAC ralkap hna nih an tlaih i an thah tiah YDF nih cathanh chung ah an
langhter. YDF in a nunnak aliam mi kan ralkap pahnih i tantak mi chungkhar nan
ngeihchiatnak kan i hrawm hna, Kan ralkap hna nih ram le miphun caah nan nunnak nan
pekchanh mi cungah upatnak sangbik kan in pek hna.Nan hnu ah nan hawi le YDF nih pehzulh in dothlennak cu kan tei hlan lo an rak țuan lai tiah biakamnak kan tuah tuah an langhter. Zinglei ah Agyi Warbin khua chungah rallam sial ding in timhtuahnak a ngeimi SAC ralkap cu YDF ( Shwe Som Nyo ) ralkap hna nih sniper in an kah i SAC ralkap pakhat a thi.
==YeePhyo peng um SAC Ralkap ralveng phu Sah- Yah- Phah zung an kah lio ah bawmh
ding a ra mi SAC ralkap mawtaw cu bomb kan puah hna i SAC ralkap 5 an thi tiah Launglung PDF ( LLPDF ) nih an thanh. Yephyo Sah- Yiah – Phah Zung cu July 13 zanlei Sml 10 : 30 hrawng ah mizapi vengtu ralkap phu 4 nih bomb an puahhnawh i cu inn pi cu a kang dih. Cu kahdohnak ah SAC ralkap a thimi um le umlo fiangin kan thei kho rih lo.
Sah- Yah – Phah zung kahdohnak cu DGRF, T1 Zone, TPLE le WaiHin ralkap hna an i bawm.
Sah- Yah- Phah zung ah bomb puahhnawh a si lio ah Yephyo nitlak lei in SAC ralkap mawtaw 3 in bawmh ding in a rak ra i LaungLung – PDF, LLPDF, TPLF, ZinYaw ralkap le mizapi vengtu ralkap hna i bawm in bomb an puahhnawh hna i mawtaw 2 cu a rawk i , 5 an thi tiah LaungLung PDF nih an thanh. ” Kan mah PDF phufonh lei a hliammi kan um lo ” tiah mizapi vengtu ralkap pakhat nih a chim. Cre-TCP