American voter 74% nih President Joe Biden nih America cu lam diklo mi lei kap in a kan hruai cang an ti i, Mi 26% nih atu President Joe Biden nih a kan hruai ning hi a tha ko tiin Politico/Morning Consult Poll ah an chim. Biden nih America a hruaining kong ah American tampi an lungdong tuk cang i, January thla ah 32 nih Joe Biden nih US a hruai ning hi a tha ko an ti i,
Mi 68% nih lam dik lo lei kap in a kan hruai cang an ti. Natein atu cu 74% nih
Joe Biden cu an zum ti lo i, US a hruai ning cu a dik ti lo tiin,
Joe Biden nih US a zohkhen ning a duhlomi an tam chin lengmang cang. Kum 2021 February thla ah 47% nih Joe Biden nih US a hruai ning cu a tha ko/a dikko an ti i, 53% nih a dik lo an ti. Atu cu 74% nih a diklo an ti cang i, Joe Biden cungah zeihman zumnak an ngei ti lo. US ramchungah thilman a kai tuk cang i, Biden admin cu a mualpho chin lengmang cang i, June 9 ah khan ni ruk chung bak
Gas man cu $5 leng a si cang tiin GasBuddy nih a langter. Kum 2022 ah
Gas man hi inflation adjusted Basis ah an pek dingmi cu a luancia
kum 2021 nak in $450 in a tam deuh lai tiah Energy Information administration (EIA) nih a langter. Kum 40 chungin thil man sang bik caan an phan lio a si i, Biden nih stimulus package man fak tak tak in kalpi caah inflation nih hin chungkhat kip $5,520 maw thlakhat ah $460 tam deuh an sung lai tinak a si tiin Moody’s nih a langter. Cre-Breitbart
Kawlram thawngpang…“Myanmar Ralbawi Hna Cu Zohfelnak Tuah An Hau”
– UN High Commissioner on Human Right: Myanmar ah a faak bikmi nuhrin covo buartu
SAC ralkap bawi hna cu dantatnak pek dingin Argintina le Turkey nih ICJ ah taza an cuai bantukin, Myanmar ralbawi hna cu vawlei cung zulhphung ningin zohfelnak tuah an herh kong, June 14 i Geneva Conference an ngeih lio ah High Commissioner on UN Human Right Michelle Bachelet nih a chim. Min Aung Hlaing hruaimi SAC ralkap nih nawlngeihnak an laak ruangah a ṭhangcho cuahmah mi Myanmar
cu hnulei ah a kir ṭhan caah vawlei cung ram dangdang hna zong kan lung a ṭha hrim lo.
Sualnak a tuahtu hna cu an tuahmi sualnak ningin dantatnak pek cu ram pakhat
sersiamnak caah a biapi tukmi a si tiah a chim chap. SAC ralkap nih ahlan lio in atu tiang an tuahmi sualnak cu a liamcia kum tampi chung khan dantatnak zeihmanh an rak ton lo ruang zongah a si, tiah Myanmar UN palai simi U Kyaw Moe Htun nih June 13, UN General Assembly ah a chim ve.
==Russia Cu Pehzulh In Kan Dirpi Lai Tiah China Nih A Chim!: Tuluk nih cun Russia cu
pehzulh in kan dirpi ko lai tiah June 15 ah Tuluk President Xi Jinping nih a chim. Tuluk dirhmun he pehtlai in US nih cun “Nan tuanbia aa dawh te lai lo” tiah a leh hna. Ukraine luhhnawh in kahdohnak tuahtu Russia cawlcanghnak cu Tuluk nih a mawhchiat duh lo pinah Russia cung ah dantatnak pek siseh, hriamnam in thazaang in Ukraine a bawmtu nitlaklei ram hna cu
Tuluk nih cun a mawhchiat hna lehlam. Tuluk President Xi Jinping (China) nih
Russia cu pehzulh in kan dirpi ko lai tiah Putin he phone chung in an i chawnhnak ah a chimmi cu media nih an langhter. February 24 in Russia nih Ukraine luhhnawh in kahdohnak a tuah hnu ah Putin le Xi Jinping cu phone an a voihnihnak an i chawnh a si. Russia dirhkamhtu le a hawikom simi ram hna cu “Nan tuabia aa dawh te lai lo,” tiah US ramdang palai nih a chim. Cre-TCP