Biden President a vun tuan cu beidong bak si ko, Nihin tiang, chinmi chungin Biden a dirkam mi an um i mak ka ti tuk cang, chim lo in ka um kho ti lo caah ka vun tial ve. Nihin ah Joe Biden nih Nation speech a voihkhatnak a ngei nak ah Ukraine khualipi Kiev cu Russia ralkap pawl tanks tampi nih an kul cang, Natein Iranians mipi lungthin cu Putin nih a tei kho lai lo tiin a chim. Ukrainians ti ding mi ah Iranians mipi tiin a chim caah ceilak in a mualpho hoi cang
Biden President a vun tuan bak in US ramchungah Gas le oil lei ah rian tampi cu pehzul a si ti lai lo,
donghter a si lai tiin executive order minthutnak a tuah, cun Gas le Oil pawl hna hi Russia ram in tampi
in a lak tawn. Mah a tuah mi nih hin Russia cu a rumter i Russia caah thawngpang tha tuk mi a si. Ahnuah Afghan Withdrawal a tuah i, US ralkap 14 hrawng an thi i, Afghan minung tampi 150 hrawng an thi. US cu a mualpho i, mah ruangah Republican pawl nih Midterm election ah teinak kan hmuh ahcun impeachment tuah ding a si tiin Midterm Election ah teinak an hmuh khawhnak caah former President Trump
zong nih heh tiah cawlhcangnak a ngei. Joe Biden president a vun tuan bak kumkhat a vun tling cu North Korea nih
Missile voihnga hrawng a test cang, North Korean caah Joe Biden president a tuan mi cu thawngpang tha
tak tak si tinak a si, North Korea Chairman Kim Jung On nih Joe Biden cu a tih lo tuk caah, Trump President kum nga rak tuan lio ah North Korea nih Missle test a tuah ngam lo mi kha Joe Biden president a vun tuan cu North Korea nih voihnga hrawng test a tuah man cang. Ukraine nih NATO ram si a duh, Natein Ukraine ram hi a buai ngai ve caah NATO ah luh hi fawite a si lo,
heh tiah cawlhcangnak an tuah cuamah lio ah, Joe Biden nih Ukraine cu a forh chin lengmang i, kan
dirkam peng lai, tih hla tiin, Natein Putin nih Ukraine a vun tuk cu Joe Biden a mualpho i, vawleicung
ramkip nih Joe Biden an soisel i an mawhchiat, a ruang cu US president caah Joe Biden cu ramdang nih zei ah an rel lo tuk caah le an tih lo tuk caah China le Russia caah Joe biden president a tuan mi cu thawngtha tuk a si tiin heh tiah atu Russia nih Ukraine a tuk mi kongah Joe Biden an mawtchiat cio. Mah bantuk in super power ram a si mi ram president si ding ahcun Joe Biden cu a tlak lo tiin atu hi
Russia nih Ukraine a tuk hnuah Joe Biden approval rating on foreign policy ah a niam tuk i, atu hi an
mah Democrat pawlhman nih kum 2024 presidential candidate caah an duh ti lo. Cred-Madison Lc
Nihin Chinram thawngpang… Chin ramkulh, Falam- Hakha tlawnlam um Dokṭhek khua cu nihin March 2 zaanlei suimilam 4/5 hrawng ah ralhrang nih an khangh tiah, theih a si. March 2 zing thok in Chin National Army(CNA), Chinland Defense Force(CDF) le Ralhrang hna cu Ramthlo le Dokṭhek karlak ah faak ngai in an i kap, tiah theih a si.
Dokṭhek khua Baptist Biakinn Canphio cih zong hriamngan nih a khen, tiah theih a si i inn zeizat a kangh
ti cu hngalh a si rih lo. Cheukhat nih Dokṭhek khua cu an khua ning in Ralhrang nih an khangh i, CNA/CDF 2 an nunnak a liam tiah an chim (thawngfiang hngah lio a si). Falam in ralhrang an rak ra ti an theih in Ṭaal, Tlangzar, Ramthlo le Dokṭhek khua mi hna cu a himnak hmun ah an zaam cang, tiah theih a si. Nihin Ramthlo le Dokṭhek kar i kahdohnak a chuah caah Chunchung khua mi zong an zaam hna, tiah theih a si. Cre-TCP