Vawlei cungah ram thawngbik kan ti mi US zong a buai tuk ve cang, Thawngpang a chia chin lengmang, Covid tampi an lak cang, kum 2020 nak in kum 2021 ah a thi mi an tam deuh cang i, White House zong a buai tuk ve cang. Mi tampi cu Covid sii i chun ruangah hnangam tein an um, natein Vocid si aa chun mi lakah a thi mi tampi an um peng,
US cu thawngpang a chia chin lengmang ko, US ram chungah Covid ruangah a thi mi an kar chin lengmang
President Biden nih presidential candidate lio ah khan covid ka tei lai tiin voihhra leng a rak chim kha, natein
US ram chungah Covid ruangah a thi mi cu Trump nak in Joe Biden president a si hnuah a thi mi an tam deuh cang. Axios nih a langter ning ahcun, Nikhat ah US ramchungah Covid ruangah thi mi hi 1,300 leng an si peng. Covid a ngei mi an kar chin lengmang i, a luancia zarh hnih ah Covid a ngei mi hi 26 percent in an kar tiin report nih a langter.
Nikhat ah Covid a ngei mi hna hi 120,000 leng an kai peng. Atu hi US ram chungah 40 percent hna hi Covid sii a chun lo mi an um ri. Cred-Breitbart
Kawlram thawngpang..Chin Pastor Pakhat PDF tiah an Puh i SAC Ralhrang Hremnak in Nunnak Liam. Magwe ramtthen,
Saduh-daya peng, Thake-daung khuate ah Pathian rian a ttuan liomi Asho Chin pastor Salai Ngwe Kyar cu PDF na si tiah SAC ralhrang nih an hremnak ah a nunnak a liam, tiah thawng kan theih. December 6 ah khan Saw peng chung ah Khrihfabu rianherh khual a tlawn lio ah SAC ralhrang nih an rak tlaih.
PDF na si tiah an puh i, Saduh-daya palik zung ah ralhrang nih ruru hranghrang in an hrem ruang ah December 8 ah
Magwe General Hospital ah an chiah. An hremnak hliamhma in Pastor Salai Ngwe Kyar cu nihin December 9 zinglei ah Pathian ttang ah aa din. Pastor Salai Ngwe Kyar hi Thake-daung khuate ah a tthanglianmi a si i, Baibal sianginn a dih hnu in an khua Baptist Khrihfabu ah Pathian rian a ttuanmi a si.. Cred-TCJ