Chinram le Paletwa ralzam caah thawngpang tha tuk mi; Pathian bawmhnak ruangah a si

An caah zeitluk in dah thluachua a va si dah? mah bantuk in har lio caan ah thawngtha vun theih cu!! Chinram chungah kawl ralkap le AA pawl i dohnak ruangah Paletwa ah chinmi tampi cu ei ding ngei ti loin ralzam tampi an um. Ramthumnak ah um mi Chin unau le hmun dang dang ah um mi nih Paletwa ralzam pawl caah le Paletwa khuapi ah um mi, ei ding a ngei lo mi caah bawmhnak an pek mi cu AA ralkap pawl nih motor bawmhnak a phortu cu an kah tiah theih a si. Natein Pathian bawmhnak in harnak karah motor hna cu Paletwa khuapi an lut cang tiah thei a si

Paletwa khuapi ah um mi hna caah thlakhat chung cu zeihman a lut ti lo i, a tu a lut mi hna hi favang tung 830 le ei ding dang dan cu April ni 19 zanlei suimilam 3 hrawngah Paletwa khuapi ah an lut cang tiah theih a si. Credit- Hram: Salai Isaac Khen

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah zong nih ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Chingpage Editor