Chinram Paletwa ah kawl cozah le AA i dohnak kong ah USA cozah a thlak ve cang: Kawl Cozah sin ah US Foreign Minister nih a ti mi hna cu

Coronavirus ruangah ramdang an buai lio ah kan chinram, Paletwa ah kawl ralkap le Paletwa idohnak kongah mi tampi an thi cang i, mi tampi cu Paletwa ram chungah um ngam ti lo in, ralzam tampi an um. Mi tampi cu Kan Vice President Henry Vanthio khuah um ding in an kal. Mah thawngpang ruangah ramdang ah um mi Chin unau tampi cu an um sawh sawh kho ti lo i, tangka tampi he Paletwa ram chungah kan unau harnak a tonh mi cu an bawmh thluamah lio a si.

Mah idohnak ruangah mi tampi an thi i, ralzam tampi an um ti USA cozah nih a theih hnuah um sawh sawh ti loin ralkap le AA pawl i kahnak ruangah harnak a tonh mi le ralzam mi hna cu Rakhine ram chung thlanglei district pariat le Chin ram chungah Paletwa ram chung cu mah idohnak ruangah a tuar bik mi an si.

Source nih a chim ning ah cun ralzam hi 120000 leng an si cang tiin a ttial. USA cozah nih kawl ralkap sin ah daihnak lam kawl ding in a chim cang i, mipi hna cu himtein an um khawhnak caah lam kawl ding in a ti cang. Atu lio ah zawtnak C-19 ruangah vawlei thawngpang kha tlingtein theih a herh i, mipi nih thil singin an theih khawhnak ding caah le an dirhmun theih khawhnak ding caah internet onh piak tthan ding in kawl ralkap cozah cu theihterhnak a tuah cang i, mah zawtnak lakah mipi an him khawhnak caah rian ttuan ding in US foreign minister Mike nih a chim. Source: 7Day