CNA kah le dohdingah Chin United Army dirh a timh mi ang um cang; Aruang? A poi tak tak mah bantuk minung an rak um hi cu

A poi tak tak, kan mah Chinram chung mi a si, a thil tuah a tim mi hi zoh sawh sawh ding a si ti lo, mah bantuk lungput a ngei ah cun kawl i tlaih ding a si ko. CNA ah chinram kan caah Chinram zohkhentu an si. Mah bantuk lungput a ngei mi hi zeidah a duh biknak ruang si lai? Mah kong hi Pu. Pen hlawnceu nih fiangte in a ttial mi a tangah rel khawh a si

Pen hlawnceu – Hi pa hi Malay ummi Mindat lei mi sidawh asi, CNA ral kah le doh dingah Chin United Army dirh a timh rua, keimah zong holh chia phunthling in a ka ti pinah kan thah lai, na chung le zong ka thah hnalai tiah a ka tlerh len, a hngalmi le umnak dikthlir a ka chim khomi nan um hnga maw?

Paletwa ca ah Sami in facang tun 120 an phurh mi AA hriamtlai phu nih an chuh hna, tiah ruahdamh…….Sami in Paletwa khuachung ca ah motor pathum in facang tun 120 an phurh mi Rakhine hriamtlai phu AA nih an chuh theo hna lai, tiah khuami sin in March 29 zaan ah kan theih.

“Tuzing March 29 zinglei suimilaam 8:00  tluk ah Sami in Paletwa lei ah an i thawh. Facang hi a dihlak an phurh mi tun 200 a si. Motor pahnih hi lampi ah a rawk i an taang. Motor a rawk ca ah motor pakhat nih tun 120 a phurh i an rak lanhter chung.

Leymyo (Lemro) tlang a phak lai ah hin motor khaalpa nih kan phan deng cang i facang thlatu ding minung rak i timcia uh tiah zaanlei suimilaam 2:00 hrawng ah phone in a rak kan chawnh. Asinain suimilaam 7:00PM tiang an a phan kho lo. Pehtlaihnak zong kan tuah len nain a phone kan chawn kho ti lo,” tiah khuami pakhat nih  a chim.

Paletwa khuapi chung ah ralzaam hi chungkhar in chungkhar 356,  minung in 2000 leng an um i, zarh khat chung bawmhnak khoika hmanh in an hmu ti lo tiah kan theih. Cun, “Kanmah kan zumh ning ahcun AA hriamtlai phu an si ko lai tiah kan zumh. A ruang cu Cozah ralkap lei nih cun atu bantuk in an tuah hrimhrim lai lo. Keimah zong atu hi Sami ah ka um i fianglak in thawng ka thei kho rih lo.

Suimilaam 7:45PM tiang thawng ka theih ning ahcun motor khaal pawl hi an thlah cang hna i facang zong tun zeimawzat cu an phurhter than hna tiah ka theih. Hi thawng kan theih mi hi  a dik le dik lo cu fiang tein ka chim kho lo,” tiah Paletwa Peng Hluttaw Palai U Myo Htaik nih The Hakha Post ah a chim.