=CNA le CNDF i bawm in ni 3 chungah ralhrang 24 an thah hna. Falam peng chungah CNDF le CNA ttangtti in ralhrang 24 an thah hna i hliamh mi an tam tiah theih a si. January 19 ah CNDF nih an do mi bomb lamh ruangah ralhrang 7 nunnak liam i 10 hliamh an si. Ralhrang Captain pakhat cu a ke hnih in a bul, cun an hruaitu bik zong a mit a caw tiah CNDF cathanh ah an ttial.
Cun January 23 ah Falam peng Zawnglei khua ah CNDF le CNA fonh nih mah le mah i kilvennak in
ralhrang an rak kah ve hna ruangah ralhrang 13 an thi i 11 hliam an tuar. CNDF pasalttha pakhat nunnak
liam ve tiah CNDF nih an langhter. Cun January 25 zong lah khan CNDF le CNA fonh nih ralhrang 4 an thah tthan hna i 5 hliamh an si. CNDF le CNA lei in hliam tuar an um lo tiah an langhter. Cre-suimilammedia
=Sagaing ramṭhen, Puang Pin peng, mizapi vengtu ralkap phu hna nih January 22 nikhat chung lawng ah
palik sakhan pahnih cu an kah hna. Sakhan bawi tel in palik 8 an tlaih hna i hriamnam zong tam ngai an
tlaih chihnak kong cu NUG nih PVTV ah a thanh. Puang Pin peng, Mine Chuang palik sakhan le Ye Out Tuang palik sakhan cu January 22 zalei suimilam 3:00 hrawng ah Puang Pin PDF phu le Puang Pin peng Pah-Kah-Phah(ပကဖ ) hna nih an kah hna i hriamnam zong tam ngai an laak khawh, tiah theih a si. Cu sakhan pahnih cun G3-7, Uye (အူဇီ)- 2, Rohkan( ရှော့ဂန်း)- 1, Kyauk Lung Pyo -1, 5.56 kuan 224, 7.62 kuan
1210, 9 mm kuan 509, Rohkan kuan 2, Kuan bawm 16, Phone 12, Computer 2 ( Laptop), inverter 2, namsau 1,
phaisa 2,125,000mmk le angki zun 1 hna an laak khawh, tiah PVTV thawngthanhnak in theih a si. Khit Thit Media
= CNO/CNDF nih Jan 26 i kahdohnak thawng an thanhmi ah CNDF bomh hmanhmi i lamh ruangah ralhrang 7 an thi i 10 nih hliam an tuar tiah theih a si. A cathanh chungah cun “Chin ramkulh, Falam peng chungah CNDF nih bomb (mine) kan hmanhmi cu January 19 ah SAC ralhrang pawl nih voithum an i lamh ruangah SAC ralhrang 7 an thi i 10 nih hliamhma an tuar.
SAC ralhrang lei in Captain pakhat cu a ke pahnih in a bul i an hruaitubik cu a mit a caw” tiah CNDF nih an langhter.
January 23, 2022 zongah Chin ramkulh, Falam peng, Zawnglei khua pawngah CNDF le CNA i bawm in SAC ralhrang cu an kah hna i SAC ralkap 13 an thi, 11 hliamhma an tuar. CNDF lei pakhat a nunnak a liam i CNDF le CNA lei in fak tuk loin hliam a tuarmi 4 an um ve. Cu pina January 25 ah CNDF le CNA i bawm in SAC ralhrang pawl an kah ṭhan hna i ralhrang 4 an thi, 5 nih hliam an tuar fawn. Pathian kilvennak ruangah CNDF le CNA lei hliamtuar le a thimi an um lo tiah theih a si. Source: Department of Information and Public Relations