Coranavirus ruangah vawlei nih a tawngbal lo mi chungkhar pakhat nih an tawng cang; Ngaihchiat a si tuk hrinhrang

Caronavirus ruangah vawlei ramkip cu lockdown in a um cang. Vawlei ramkip cu muinak khur ah a kan lutpi lio a si, mi tamtuk an thi cang, a damtthan mi zong an tam ngai, natein atu tiang sii serhkhawh a si lo caah mithiam pawl nih an chim ning ah cun sii serhkhawh hlan cu a thi mi an tam ching lai ti a si cang.

Innchungkhar ah mi pakhat an thih ah cun a ruak vuinak ah zeibantuk misual a va si zong ah chungkhar nih an tel pi tawn, natein Coronavirus ruangah Ismail Mohamed Abdulwahab, Brixton kum 13 mi cu nikhat ni (Monday) ah khan COVID-19 ruangah a thi, A thimi pa hi a ruak vuinak ah a chungkhar an nih tel kho lo. A ruang cu anu le pa le unau hna cu coronavirus ruangah Self Isolation in inn ah an um lio a si.

Mah bantuk in an dirhmun a si caah an fapa an dawt ngai mi ruak cu innchungkhar pakhat hman nih telh pi kho lo in vui a si. Myanmar ram caah Daw Aung San Suh Kyi nih order achuah cang , mipi ralrin tak aherh….April 3 ah Daw Suh Kyi nih COVID-19 kongah mipi sinah oder le nawlnak achim . Zulh lo ahcun  dantat ding asi cang.

COVID-19 zawtnak khamnak commitee lei in le Daw Suh Kyi tel in Kayin pyine ah ton biaruahnak an ngei hna .Quarantine tuah ding ah a duh lomi he pehtlai in Daw Suh Kyi nih phunglam a ser . Hi zawtnak khamnak dingah  phunglam thar sermi azul lo ,himnak caah tuah mi a duh lomi cu dantat ding asi lai .

Phunglam hi alak in chuah mi asi lo .  Rampi daihnak le himnak ah kan chuah mi asi tin achim .Quarantine tuah ding aduh lomi le ei le din tamtuk in akhon mi pawl ,mah zawn lawng aruat mi cu dantat an si lai tin Daw Suh Kyi nih April 3 ah achim.