Coronaviru a thawknak ruang cu The US Office for the Director of National Intelligence nih fiangternak an tuah cang; China cu lih bia bak an rak chim ko hi

Vawlei cung ramkip lung awtawn in an um lio ah USA mi thiam pawl nih mah bantuk fiangternak an vun tuah cu a tha tak tak. Tu lio mi vialte nih kan tih ngai mi le inn ah a kan erh tertu coronavirus a thawknak cu USA mi thiam pawl nih vawlei ramkip thei ding in fiangternak an tuah cang. Mah fiangternak an tuah mi hi President Trump sin ah ap a si ve cang i, zeidah a law te lai.

Nili nih ah The US Office for the Director of National Intelligence nih coronavirus zawtnak a thawknak kongah thawngthannak a tuah mi ah cun Scientist le mithiam pawl nih an hmuh ning le an ruahning tampi an lak hnuah Covid-19 hi mihring nih an serh chawm mi a si lo ti le mah coronavirus hi virus serchawm (genetically modified)  mi a si lo ti an langter

Natein an biakhianak ah cun Intelligence, mithiam pawl nih mah coronavirus kong hi chun he zan it loin dothlatnak an tuah ti an chim i, an thil hmuhchuak mi cu Coronavirus hi saram sin in a thawk mi a si lo, Wuhan Lab in a thawk mi a si ti a si.

Mah zawtnak kongah US intelligence Official pawl nih Coronavirus hi Wuhan Institute of Virology in a chuak mi a si tiin President Trump sin ah theihterhnak an rak tuah cang. Mah US Intelligence official pawl nih Trump sin ah Coronvirus kong an chim mi hi President Trump zong nih a zum ning a si

Mah bantuk in an chimngamnak ruang cu Wuhan hmun ah Viral Lab, US cozah bawmhnak 3.7million in an sak mi ah hin, a chungah nu pakhat rian ttuantu a um ve i, mah nu nih cun mah zawtnak coronavirus hi a ngei. Cun a darling pa he Wuhan market ah sa cawk ding in an kal, mah hnuah mah zawtnak coronavirus cu mipi an ngei i an nih chonh thluamah tiah  an chim.

Mah kong hi china zocah nih cun a pawm lo i, lih le hrokhrawl a si a ti, Natein vawleicung ramkip nih atu USA mi thiam pawl nih an chim mi hi an zum ning cu a si dih. Source-DNI.GOV (INTELLIGENCE COMMUNITY STATEMENT ON ORIGINS OF COVID-19)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor