Coronavirus he zeitin dah khuasak tti ding in Trump Admin nih an tawrel cang

Coronavirus sii cu tu tiang hmuh/serh khawh a si lo caah inn ah i erh peng cu thil si khawh ding mi a si lo caah Trump Admin pawl nih zeitin dah Coronavirus he khua kan sak tti lai tiin lam an kawl cang lai

The Trump Administration, The White House nih cun America mipi sin ah Coronavirus he um tti ding in an um a hau cang lai i, zeitindah an um tti ding cu a rau hlan ah phuan a si lai tiah a chim.

Aruang cu November Election hlan ah coronavirus hi a tlau lai lo ti a fiang cang caah a si. Election hi November ni 3 ngei ding a si cang fawn, Coronavirus ruangah um sawh sawh kha a si khaw ti lai lo caah . The White House nih hin Coronavirus lakah i vennak kaltak lo in thatein ralrin tein lam kawl a hau cang tiin a chim.

November ni 3 ah President thimnak ngei a si cang lai caah, The White House cu President thimnak lei a mer a hau cang lai. President Trump Top advisers pawl nih cun Coronavirus ruangah thihnak a tlawm khonak caah fakpi in lam an kawl lai. Election anai pah cang caah The White House nih hin Coronavirus le President Election kongah rian fakpi in kan ttuan cang lai tiah The White House nih a chim

American hi mi diklo/misual pawl hmaiah khupbil in kan um bal lai lo, Pathian hmaiah lawng khupbil in kan um lai tiin USA Independence Day (July 4) ah President Trump nih a chim.

America Independence speech ah China ruangah America nih Coronavirus rai zawtnak fakpi an tuar mi cu an tei hrim lai ti a chim. Radical Left Democrats America/BLM pawl  ruangah mipi an buai ning le an tih ning fakpi in a chim hnuah mah pawl hna hi ceilak in aphomh chi hna.

President Trump hi Independence hmangnak program ah thatein an rak dawng lo, a ruang cu USA nih coronavirus a tuartuk caah a si. Tu hrawng cu poll zoh ah cun a dirhmun a thalo ngai.  Mount Rushmore ,South Dakota, lei ah President Trump nih “radical left, the Marxists, the anarchists, the agitators, the looters” pawl cu a tei hrim lai ti a chim

Thawngtha dang.. Washington Post nih a langter ning ahcun US president Donald Trump nih a tuzarh zarteni ahkhan a ram mipi cu small business covid -19 ruangah harnak an tawn cheukhat nih an business tuah mi ah sumzatlaknak an tawng ti a hngalh caah  pandemic Loan lak a duh mi poah2 lak khawh a si tiah a fehter.

Hi loan a pek chan hi a ram mipi nih small business tuah a duh mi caah a tha hnem lai tiah ruahchannak he a tuah mi a si , $659 chung in 130 hi congress nih an pek lai i US small Business Administrator’s Office nih a buaipi lai.nili ni ahkhan  US a cozah small business ca i loan lak a duh mi cu lak khawh a si tiah wishington post nih a tial. Credit- The Guardians 7 Washington Post

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Coronavirus he zeitin dah khuasak tti ding in Trump Admin nih an tawrel cang"

Leave a comment

Your email address will not be published.


*